| e-texts navigator |
| བོད་ཡིག |
208b1 rgya mtsho la ni klu rnams bzhin/ /gang dag la ni chog med pa/ /ma bsdams de dag dbul po yin/ /gang dag 'dod pa rab 'phel zhing / /ya nga yid ni skye 'gyur ba/ /rmongs pa de dag tshe 'di dang / /pha rol du yang
208b2 dbul por 'gyur/ /de nas grong khyer gyi dbul po des pa skye bo phal po che de dag gis yongs su bskor cing nor bu rin po che de khyer nas rgyal po gsal rgyal gyi don bya ba'i sa ga la ba der song ngo / /de'i tshe rgyal
208b3 po gsal rgyal gyis kyang tshong dpon dang / khyim bdag rigs dang ldan pa'i mchog lnga brgya tsam zhig g.yon chung ngu'i phyir bdog pa thams cad phrogs so/ /grong khyer gyi dbul po des pas nor bu rin po che
208b4 de rgyal po la phul te/ rgyal po chen po nor bu rin po che rin thang ma mchis pa 'dzam bu gling thams cad ri ba bdag gis rnyed pa 'di la bdag gis 'di snyam du bsams te/ mnyan yod 'di na thams cad kyi nang na dbul po gang
208b5 lags pa de la stsal to snyam mo/ /de la bdag gis 'di snyam du bsam te/ khyod ni 'di na thams cad kyi nang na dbul po lags so snyam bgyid kyis/ kye nor bu rin po che 'di bzhes su gsol/ de nas
208b6 rgyal po gsal rgyal yul yul por gyur cing ngo tsha bar gyur nas grong khyer gyi dbul po des pa la 'di skad ces smras so/ /des pa ci nga khyod pas kyang ches dbul lam/ des pas smras pa/ lha de lta lags te/
208b7 bdag pas khyod ches dbul ba lags so/ /rgyal pos smras pa/ rnam grangs gang gis dbul/ des pas tshigs su bcad de smras pa/ gang gi 'dod pa rab mang rnam par 'phel zhing longs spyod dag gis
208b8 chog ma 'tshal/ /gnod pa bgyid pa'i slad du rgyal srid 'khrug cing bdag nyid kyang ni 'dor bgyid pa/ /de ni 'di na 'jig rten mi srung yon tan chung ngu dag la mchog tu 'dzin/ /de phyir 'di na de la rtag tu chos 'dod
iiif viewer powered by OpenSeadragon
Texts on this page
J326 - 'phags pa nges pas zhus pa zhes bya ba theg pa chen po'i mdo