rKTs

e-texts navigator

Volume

Page

205b₁ pa yin no/ /'tsho ba yongs su ma dag dag ni ma byin par len par byed kyi mkhas pa dag ni 'tsho ba yongs su dag pa yin no/ /las ma mthong ba dag ni ma byin par len par byed kyi mkhas pa dag ni las mthong ba yin no/ /
205b₂ rnam par 'tshe ba ched cher 'dzin pa dag ni ma byin par len par byed kyi mkhas pa dag ni rnam par mi 'tshe ba ched cher 'dzin to/ /byams pa'i sems med pa dag ni ma byin par len par byed kyi mkhas pa dag ni byams
205b₃ pa'i sems dang ldan no/ /phyin ci log bzhis sems bslad pa dag ni ma byin par len par byed kyi mkhas pa dag ni sems phyin ci ma log pa yin no/ /gzhan yang sems can dbul po gang yin pa de dag kho bos
205b₄ tshigs su bcad pa dag gis bshad kyis nyon cig / bye ba phrag stong gter yod kyang / /gang dag la ni gtong med pa/ /de dag 'jig rten 'dir dbul zhes/ /thos mang rnams kyis de skad bshad/ /
205b₅ gang la zan cig med bzhin du/ /de ni gtong la rab gnas na/ /de ni 'jig rten nor che zhes/ /yang dag gzigs pa rnams kyis bshad/ /gang la sdig med 'phags pa ni/ /rnam pa kun gyis
205b₆ mdzes pa yin/ /byis pa sdig pa byed pa ni/ /shin du brgyan kyang mdzes ma yin/ /mkhas pa dag gis spyos sla yi/ /byis pas bsngags pa de lta min/ /byis pa sdig pa bsngags par
205b₇ byed/ /mkhas pa dag ni sdig la smod/ /de nas lha'i dbang po brgya byin gyis dus gzhan zhig na mi gzhan zhig sprul to/ /de nas mi des gser mang po khyer te des pa la 'di skad ces smras so/ /kye des pa
205b₈ gser khyer la kho bo mi gzhan zhig dang rtsod pa de la khyod gcig pus che bzhi bya bar kho bos byas kyi der kho bo'i che bzhi gyis shig / des pas smras pa/ grogs po thong khyod de skad ma zer cig /

_{iiif viewer powered by OpenSeadragon}

205a - 206a

Texts on this page