| e-texts navigator |
| བོད་ཡིག |
198b1 pa'i phyir mkhas shing rig pa rnams kyis 'di ni bdag gi'o/ /'di ni nga'o/ /bdag gi 'di ni yod do zhes bdag tu lta bar 'os pa ma yin no/ /de srid pa thams cad dang / /'du byed thams
198b2 cad la bdag med pa'i 'du shes dang / 'dod chags dang bral ba'i 'du shes dang / spangs pa'i 'du shes dang / 'gog pa'i 'du shes can du gnas te/ 'gog pa mngon sum du byed pa yang ma yin no/ /gang de
198b3 ltar dus gsum rab tu shes pa de chos de dag nyan cing 'dzin pa dang / mang du byed cing yongs su rtog pa na theg pa gsum rab tu shes te/ gsum gang zhe na/ lha'i theg pa dang / tshangs pa'i theg pa dang / 'phags
198b4 pa'i theg pa ste/ de dag ni theg pa gsum zhes bya'o/ /bsam gtan dang po ni lha'i theg pa ste/ bsam gtan gnyis pa dang / gsum pa dang / bzhi pa yang lha'i theg pa'o/ /byams pa ni tshangs pa'i
198b5 theg pa ste/ snying rje dang / dga' ba dang / btang snyoms kyang tshangs pa'i theg pa'o/ /yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang /
198b6 yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin ces bya ba 'phags pa'i lam yan lag brgyad pa zhes bya ba de ni 'phags pa'i theg pa zhes bya'o/ /
198b7 de dus dus su lha'i theg pa sgom ste sems can rnams kyang de la 'god/ dus dus su tshangs pa'i theg pa sgom ste/ sems can rnams kyang de la 'god/ dus dus su 'phags pa'i theg pa bsgom zhing sems
198b8 can rnams kyang de la 'god la/ rnam par grol ba 'phags pa mngon sum du yang mi byed do/ /gzhan yang theg pa gsum rab tu shes te/ gsum gang zhe na/ nyan thos kyi theg pa dang / rang sangs rgyas
iiif viewer powered by OpenSeadragon
Texts on this page
J325 - 'phags pa lag bzangs kyis zhus pa zhes bya ba theg pa chen po'i mdo