| e-texts navigator |
| བོད་ཡིག |
198a1 dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir rtag par rgyun tu mi 'dor ro/ /nyams par mi byed do/ /brjed par mi byed do/ /
198a2 bag med par mi byed do/ /gang 'das pa'i phung po dang / khams dang / skye mched de ni 'das pa/ 'gags pa/ med pa/ yod pa ma yin pa ste/ de ni da ltar bdag med pa/ bdag gi med pa'o/ /gang ma 'ongs pa'i
198a3 phung po dang / khams dang / skye mched de ni ma skyes pa/ ma byung ba/ yod pa ma yin pa ste/ de ni da ltar bdag med pa/ bdag gi med pa'o/ /gang da ltar byung ba'i dus kyi phung po dang / khams dang / skye mched de
198a4 ni mi gnas pa/ mi 'dug pa'o/ /de ci'i phyir zhe na/ 'jig rten ni skad cig las lhag par mi gnas pa'i phyir ro/ /skad cig pa de'i skye ba'i dus kyang gzhan/ gnas pa'i dus kyang gzhan/
198a5 'gag pa'i dus kyang gzhan gang yin pa'i skad cig gnas pa med pa/ 'dug pa med pa'o/ /skad cig gi dus gang yin pa de ni nang dang phyi'i phung po dang / khams dang skye mched do/ /nang dang phyi'i phung
198a6 po dang / khams dang / skye mched gang yin pa de ni dus so/ /da ltar byung ba'i phung po dang / khams dang / skye mched gang yin pa de ni skad cig tsam yang mi gnas pa mi 'dug pa ste/ mi gnas pa mi
198a7 'dug pa la ni bdag gam bdag gi ba med do/ /de yang gang gi tshe ma 'ongs par gyur ba de'i tshe ma skyes pa dang / ma byung ba yod pa ma yin pa'o/ /bdag tu ma gyur cing bdag gir ma gyur pa'o/ /gang gi tshe 'das
198a8 te 'gags pa dang / ma byung ste yod pa ma yin par 'gyur ba de'i tshe yang bdag med pa dang / bdag gi med pa nyid du 'gyur ro/ /gang yang dus gsum dag tu bdag med cing bdag gi med pa de ni ma byung zhing yod pa ma yin
iiif viewer powered by OpenSeadragon
Texts on this page
J325 - 'phags pa lag bzangs kyis zhus pa zhes bya ba theg pa chen po'i mdo