rKTs

e-texts navigator

Volume

Page

197a₁ su mthong ba na rnam par thar pa'i sgo gsum po chos rnams kyi stong pa nyid dang / mtshan ma med pa dang / smon pa med pa khong du chud par byed cing rnam par 'jog go/ /de rten cing 'brel bar 'byung
197a₂ ba'i chos rnams yang dag par rjes su mthong ba na 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs
197a₃ 'gag / ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa
197a₄ 'gags pas len pa 'gag / len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi 'gag par rten cing 'brel bar 'byung ba'i 'gag pa khong du chud par byed
197a₅ cing rnam par 'jog ste/ de de ltar rten cing 'brel bar 'byung ba'i 'gog pa yang dag par rjes su mthong yang rten cing 'brel bar 'byung ba'i 'gog pa mngon sum du yang mi byed de/ de ltar rten cing 'brel bar
197a₆ 'byung ba'i 'gog pa rab tu shes so/ /de chos de dag nyan cing 'dzin pa dang mang du byed cing yongs su rtog pa na dus gsum rab tu shes te/ gsum gang zhe na/ 'das pa'i dus dang / ma 'ongs pa'i dus dang / da
197a₇ ltar byung ba'i dus te/ de dag ni dus gsum rnams shes bya'o/ /'du byed gang la la 'gag pa de ni 'das pa'i dus shes bya'o/ /'du byed gang la la ma 'ongs shing ma skyes pa de ni ma 'ongs pa'i dus shes
197a₈ bya'o/ /'du byed gang la la da ltar byung ba da ltar du gyur ba de ni da ltar byung ba'i dus shes bya'o/ /de 'das pa'i dus kyi bdag gi mi dge ba'i rtsa ba rnams rjes su dran na smod cing gshung ste nges par spong ngo / /

_{iiif viewer powered by OpenSeadragon}

196b - 197b

Texts on this page