rKTs

e-texts navigator

Volume

Page

195b₁ bar 'gro ba 'am/ mi g.yo bar nye bar 'gro ba 'am/ 'dod par gtogs pa 'am/ gzugs su gtogs pa 'am/ gzugs med par gtogs pa gang yin pa de ni sdug bsngal kun 'byung ba 'phags
195b₂ pa'i bden pa zhes bya'o/ /gang 'dod chags zad pa dang / zhe sdang zad pa dang / gti mug zad pa dang / nga rgyal zad pa dang / bdag tu mngon par zhen pa spangs pa dang / bdag tu smra ba'i len pa spangs pa de ni
195b₃ sdug bsngal 'gog pa 'phags pa'i bden pa zhes bya'o/ /gang sdug bsngal la yang sdug bsngal ba dang / kun 'byung ba la yang kun 'byung ba dang / 'gog pa la yang 'gog pa dang / lam la yang lam
195b₄ du yid la byed pa dang / 'du byed rnams la nyes dmigs su lta zhing gnas pa dang / mya ngan las 'das pa la phan yon du lta zhing gnas pa dang / ji ltar mthong ba dang / byas pa la so sor rtog pa yang dag pa'i lta
195b₅ ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin
195b₆ de ni sdug bsngal 'gog par 'gro ba'i lam 'phags pa'i bden pa zhes bya ste/ 'di dag ni 'phags pa'i bden pa bzhi zhes bya'o/ /de 'phags pa'i bden pa bzhi po de dag la dpyod cing rtog la khong du chud
195b₇ par byed cing rnam par 'jig pa na 'dus byas kyi khams la ni mi rtag pa dang / sdug bsngal ba dang / stong pa dang / bdag med par mthong ngo / /'dus ma byas kyi khams la ni skyabs dang / gnas dang / mgon dang
195b₈ dpung gnyen du yang mthong la/ 'dus ma byas kyi khams mngon sum du yang mi byed de/ de ltar 'phags pa'i bden pa bzhi po dag rab tu shes so/ /de chos de dag nyan cing 'dzin pa dang / mang du byed cing

_{iiif viewer powered by OpenSeadragon}

195a - 196a

Texts on this page