rKTs

e-texts navigator

Volume

Page

191a₁ bar byed do/ /gal te bsam gtan de dang / ting nge 'dzin de la slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du yang sems rnam par
191a₂ g.yeng ba dang / ting nge 'dzin ma yin pa spang ba dang / dor ba dang / bsal bar rtsol lo/ /'bad do/ /dus dus su 'am/ cung zad cung zad du yang sems rtse gcig tu bya ba dang / sems mnyam par bzhag par slob
191a₃ pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ /srid pa gzhan du gyur ba na zhum par mi 'gyur zhing sgyid lug par mi 'gyur ro/ /lag bzangs byang chub sems
191a₄ dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de
191a₅ dag gi sems mnyam par bzhag pa dge ba dang / sems rtse gcig tu bya ba dge ba grangs med cing dpag tu med pa yin no/ /de ci'i phyir zhe na/ 'di ltar 'jig rten gyi khams thams cad du sems can thams cad la
191a₆ zag pa med pa'i sems mnyam par bzhag pa bskyed par 'dod pa dang / mi slob pa'i sems mnyam par bzhag pa bskyed par 'dod pa dang / zag pa med pa'i sems mnyam par bzhag pa yang dag par
191a₇ bskyed par 'dod pa dang / mi slob pa'i sems mnyam par bzhag pa yang dag par bskyed par 'dod pa de ni/ sems mnyam par bzhag pa dge ba dang / sems rtse gcig tu bya ba dge ba mtha' yas mu med
191a₈ pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus bsam gtan gyi pha rol du phyin pa yongs su rdzogs par byed do/ /

_{iiif viewer powered by OpenSeadragon}

190b - 191b

Texts on this page