rKTs

e-texts navigator

Volume

Page

190a₁ mtshan mar yid la byed pas zil gyis gnon pa'i skye mched gsum pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs tshad med pa kha dog
190a₂ bzang po dang / kha dog ngan pa rnams la mtshan mar yid la byed pas zil gyis gnon pa'i skye mched bzhi pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs
190a₃ sngon po tshad med pa yid du 'ong ba rnams la mtshan mar yid la byed pas zil gyis gnon pa'i skye mched lnga pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs
190a₄ ser po dang / dmar po dang / dkar po tshad med pa yid du 'ong ba rnams la mtshan mar yid la byed pas zil gyis gnon pa'i skye mched drug pa dang / bdun pa dang / brgyad pa rdzogs par byas te gnas so/ /des 'di
190a₅ mtha' yas so zhes mtshan mar yid la byed pas zad par sar rdzogs par byas te gnas so/ /de chu dang / me dang / rlung dang / sngon po dang / ser po dang / dmar po dang / dkar po dang / nam mkha' dang / rnam par
190a₆ shes pa mtha' yas so zhes mtshan mar yid la byas par zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par
190a₇ nam mkha' dang / zad par rnam par shes par rdzogs par byas te gnas so/ /de snyoms par 'jug pa na dge ba'i rtsa ba thams cad la dmigs pa la sems nye bar 'dogs te/ snying rje chen po la dmigs
190a₈ pa dang / dam pa'i chos yongs su gzungs pa la dmigs pa dang / dkon mchog gsum gyi rigs mi 'chad par bya ba la dmigs pa dang / sangs rgyas kyi sku dang rgyan la dmigs pa dang / sangs rgyas

_{iiif viewer powered by OpenSeadragon}

189b - 190b

Texts on this page