rKTs

e-texts navigator

Volume

Page

18a₁ nyon mongs pa med cing mngon par zhen pa med pa gang yin pa de ni spobs pa so so yang dag par rig pa zhes bya'o/ /byang chub sems dpa' ni 'di lta bu'i ye shes dang ldan pas gzugs kyi chos la rmongs shing
18a₂ mngon par zhen par gyur ba'i sems can thams cad kyi rang bzhin dang / 'dun pa ji lta ba bzhin du rtsol ba med pa'i ye shes kyis ci rigs par chos ston par byed kyang chos kyi dbyings la mtshan nyid gnyis su gyur ba med de/ sgra dang /
18a₃ dri dang / ro dang / reg bya dang / chos kyi bar la yang de bzhin du rgyas par sbyar te/ glog thob 'di ni byang chub sems dpa' sems dpa' chen po rnams kyi chos kyi gter zhes bya'o/ /byang chub sems dpa' gang gis gter 'di
18a₄ thob par gyur na spyod yul rnams la rmongs par gyur ba'i sems can de lta bu dag yongs su gdul bar 'dod pa'i phyir de dag gi mos pa ji lta bu bzhin du de dag re re la yang bskal pa'am/ bskal pa las lhag par tshig rnam pa sna
18a₅ tshogs kyis thabs la mkhas pas chos ston par byed kyang de dag gi mtha' yang rnyed par mi 'gyur la/ byang chub sems dpa' de'i shes rab la yang 'grib pa med cing chos kyi dbyings dang mi 'gal bar gnyis su med cing dbyer med pa'i rjes
18a₆ su 'brang ba gang yin pa 'di ni byang chub sems dpa' thabs la mkhas pas chos thams cad dbyer med pa'i mtshan nyid bstan pas 'thob pa'i chos kyi gter zhes bya'o/ /chos kyi gter 'dis sems can dag la ci rigs par chos
18a₇ bstan nas zad mi shes pa'i chos kyi gter phun sum tshogs par gyur te/ 'khor ba'i rgud pa gtan du spong ba gang yin pa 'di ni glog thob byang chub sems dpa' sems dpa' chen po rnams kyi gter chen po dang / zad mi shes pa'i
18a₈ gter dang / kun du zad mi shes pa'i gter dang / mtha' med pa'i gter rnam pa lnga zhes bya'o/ /byang chub sems dpa' gang gter 'di lta bu dang ldan par gyur na yon tan khyad par du 'phags pa rnams yongs su rdzogs par 'gyur

_{iiif viewer powered by OpenSeadragon}

17b - 18b

Texts on this page