rKTs

e-texts navigator

Volume

Page

185b₁ dang / sha sbrang du gyur ba de dag gis kyang byang chub mngon par rdzogs par sangs rgyas par gyur na/ bdag mir gyur bzhin du srog gi phyir yang ci'i phyir rdzogs pa'i byang chub thob par 'gyur ba'i brtson 'grus nyams
185b₂ par bya snyam mo/ /lag bzangs gzhan yang byang chub sems dpa' 'di ltar yang dag par slob ste/ mi brgya 'am/ mi stong gis kyang sangs rgyas nyid rtogs shing thob na bdag gis kyang 'dir ci'i phyir ma rtogs shing /
185b₃ thob par mi 'gyur/ gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rtogs shing brnyes/ gang gA'i klung gi bye ma snyed kyi de bzhin gshegs
185b₄ pa dgra bcom pa yang dag par rdzogs pa'i sangs rgyas rnams kyang rtogs shing brnyes par gyur na/ bdag gis 'dir srog gi phyir yang ci'i phyir rdzogs pa'i byang chub thob par 'gyur ba'i brtson 'grus nyams par
185b₅ bya snyam mo/ /lag bzangs gzhan yang byang chub sems dpa' brtson 'grus brtsams pa yin te/ sangs rgyas ston pa'o zhes ston na sangs rgyas kyi gsungs pa 'am/ nyan thos kyis bshad pa 'am/ byang chub
185b₆ sems dpas bshad pa 'am/ tha na smyon pa rnams kyis bshad pa'i chos gang yin pa dag dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson
185b₇ 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par 'gyur ba dang / sangs rgyas kyi chos thob par 'gyur ba dang / rdzogs pa'i byang
185b₈ chub thob par 'gyur ba dang / thams cad mkhyen pa nyid thob par 'gyur ba'i chos gang yin pa de dag mgo dang gos la me 'bar ba bzhin du rtag par rgyun du nyan to/ /nges par byed do/ /rtog go/ /mkhas pa

_{iiif viewer powered by OpenSeadragon}

185a - 186a

Texts on this page