rKTs

e-texts navigator

Volume

Page

17b₁ 'di lta ste/ thams cad mkhyen pa'i ye shes la brten nas mngon par sgrub par byed pa'i phyir ro/ /glog thob byang chub sems dpa' rnams kyi gter gang zhe na/ 'di lta ste/ byang chub sems dpas
17b₂ gzugs thams cad yang dag pa ji lta ba bzhin du rab tu rtogs shing / gzod ma nyid nas skye ba med pa dang / rang bzhin gyis rnam par dag par mthong ba gang yin pa'o/ /byang chub sems dpa' ni gzugs la mkhas
17b₃ pa thob pa'i phyir so so yang dag par rig pa bzhi dang ldan par 'gyur ro/ /bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig
17b₄ pa dang / spobs pa so so yang dag par rig pa'o/ /de la don so so yang dag par rig pa ni gzugs kyi don rnams la thogs pa med par gyur ba'i phyir ro/ /gzugs kyi don gang zhe na/ 'di lta ste/ don dam pa
17b₅ gang yin pa'o/ /don dam pa gang zhe na/ 'di lta ste/ gzugs dmigs su med pa gang yin pa ste/ don dam pa'i ye shes 'di lta bu dang ldan pa gang yin pa de ni don so so yang dag par rig pa zhes bya'o/ /chos
17b₆ so so yang dag par rig pa ni gzugs kyi chos rnams yang dag pa ji lta ba bzhin du so sor brtags nas yang dag pa ji lta ba bzhin du rab tu shes pa gang yin pa de ni chos so so yang dag par rig pa zhes bya'o/ /nges
17b₇ pa'i tshig so so yang dag par rig pa ni 'di lta ste/ gzugs rnams la thogs pa med pa'i ye shes kyi thabs la mkhas pas nges pa'i tshig rnam pa sna tshogs kyis rnam par 'byed pa gang yin pa de ni nges pa'i
17b₈ tshig so so yang dag par rig pa zhes bya'o/ /spobs pa so so yang dag par rig pa ni 'di lta ste/ gzugs kyi chos rnams sems can gyi dbang po ji lta ba bzhin du rnam par phye ste ston par byed kyang kun nas

_{iiif viewer powered by OpenSeadragon}

17a - 18a

Texts on this page