rKTs

e-texts navigator

Volume

Page

15a₁ par nyan par gyur ba dag kyang ngas rab tu mkhyen te/ de ltar mkhyen par gyur nas kyang sems can de dag yongs su sdud cing phan 'dogs par byed do/ /de lta bas na glog thob byang chub sems
15a₂ dpa' las dang po pa yang dag pa'i gnas skabs su ma zhugs pa sems can rnams kyi lhag pa'i bsam pa legs par khong du ma chud pa dag gis khyim na gnas pa'am/ rab tu byung ba yang rung ste/ thams cad kun
15a₃ la smod cing gnod sems bskyed nas yun ring por bdag nyid la gnod par 'gyur ba mi bya'o/ /de'i phyir byang chub sems dpa' sems dang po bskyed pa nas theg pa chen po la gnas pa thams cad la sangs rgyas kyi
15a₄ 'du shes bskyed par bya'o/ /sems can gzhan dag sdig pa mi dge ba'i las byed pa mthong na yang gnod sems bskyed par mi bya'o/ /de ci'i phyir zhe na/ de bzhin gshegs pas rtag tu sems can gang rnam
15a₅ par dkar zhing yongs su dag pa'i chos las cung zad cig nyan par gyur na nam yang yongs su mya ngan las mi 'da' bar mi 'gyur ro zhes gsungs pas so/ /byang chub sems dpa' ni gal te 'dod chags spyod pa'i
15a₆ sems can mthong bar gyur na sems can 'di dag 'dod chags kyi gdung bas bsregs par gyur ba yang bdag gis nyes pa yin no snyam du sems so/ /zhe sdang dang / gti mug gis gdung bas bsregs par gyur ba de dag
15a₇ mthong na yang 'di dag thams cad ni bdag gis nyes pa yin no snyam du sems so/ /de ci'i phyir zhe na/ bdag gis sems can thams cad na ba'i sdug bsngal dang ldan par gyur ba dag mthong bar gyur na sman yongs su
15a₈ btsal te thabs mkhas pas yongs su gso ba'i rig pa las/ bdag sngon sems can gyi nad bsal bar yid dam bcas nas deng yal bar bor ba 'di nyid bdag gi nyes pa yin no snyam du sems pas so/ /

_{iiif viewer powered by OpenSeadragon}

14b - 15b

Texts on this page