| e-texts navigator |
| བོད་ཡིག |
14a1 thob sems can rnams kyi dbang po dang / rang bzhin dang / bsam pa dag la mi mkhas pa dag gis dus thams cad du gnod sems bskyed par mi bya'o/ /glog thob 'di lta ste dper na ri
14a2 rnams kyi nang na ri rab mchog tu gyur ba de bzhin du de bzhin gshegs pa'i ye shes kyang ye shes rnams kyi nang na mchog dang gtso bo dang / bla na med par gyur ba yin no/ /'di lta ste dper na chu bo thams cad kyi nang na
14a3 rgya mtsho mchog tu gyur ba de bzhin du de bzhin gshegs pa'i ye shes kyang ye shes rnams kyi nang na mchog tu zab cing rgya che bar gyur ba yin no/ /gzhan yang 'di lta ste dper na rgyal po rnams kyi nang na 'khor los sgyur
14a4 ba'i rgyal po mchog dang / gtso bo dang / bla mar gyur ba de bzhin du de bzhin gshegs pa'i ye shes kyang ye shes rnams kyi nang na gong na med par gyur ba yin no/ /glog thob de bzhin gshegs pa ni de lta bu'i
14a5 mkhyen pa dang ldan pa'i phyir sems can thams cad kyi 'dod chags dang / zhe sdang dang / gti mug spyod pa'i sems dang sems las byung ba 'jug cing 'gyur ba ji snyed pa de dag thams cad de bzhin gshegs pas
14a6 rab tu mkhyen cing se gol gtogs pa gcig la thams cad yongs su sdud par mdzad do/ /glog thob de bzhin gshegs pa ni rnam pa thams cad mkhyen pa nyid dang ldan pas 'di lta ste dper na skyes bu mig
14a7 d ang ldan pas rtsol ba la mi ltos par rang gi lag mthil na skyu ru ra'i 'bras bu gsal bar mthong zhing the tshom med pa de bzhin du de bzhin gshegs pa yang sems can thams cad kyi sems can gyi spyod pa ji
14a8 snyed pa de dag thams cad rab tu mkhyen pas 'khor mang po'i nang du chos rnam pa sna tshogs yang dag par ston par mdzad do/ /sangs rgyas kyi zhing 'jig rten gyi khams tshad med grangs med pa dag na 'dod
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo