| e-texts navigator |
| བོད་ཡིག |
12b1 bya ba zhig kyang bdag nyid dge slong gi gzugs su bsgyur nas rgyal po de ga la ba der song ste snga ma bzhin du smras so/ /de'i tshe rgyal po rgya cher byin pas yang dang yang du de skad smras pa thos kyang 'di snyam du dge slong dri ma med
12b2 pa ni rab tu brtson zhing blo dang ldan pas bdag gis bla mar bkur ba yin te/ dngos po 'di lta bu byed pa ni gnas med do snyam mo/ /de nas de'i tshe bdud kyi 'khor rnams par snang las lus phyed bstan nas rgyal po de la
12b3 tshigs su bcad de smras pa/ rgyal po bzo yi sgyu rtsal slobs/ /dus tshod dag la mkhas par gyis/ /rgyal pos de ni ma shes na/ /mi rgyal rtags dang ldan ma yin/ /sangs rgyas nyan thos dgra bcom pa/ /ye shes
12b4 chen po ldan pa yi/ /tshig dag la ni mi rten par/ /ci yi phyir na chad par lta/ /dge slong rnams ni phan gdags phyir/ /khyod la bden tshig smra ba yin/ /chad smra ngan 'gror 'gro ba'i mi/ /yang dag tshangs spyod ma yin
12b5 pas/ /de ni rgyal po'i pho brang du/ /btsun mo dag dang lhan cig rtse/ /rgyal po 'khor dang bcas pa yis/ /legs par rtogs la the tshom sol/ /rgyal pos dngos po 'di thos pas/ /sems la skrag cing mya ngan
12b6 skyes/ /'khor rnams dang ni lhan cig tu/ /myur zhing rings par pho brang dong / /de tshe dri med pho brang nang / /chos rnams rang bzhin stong pa dang / /bdag dang sems can med pa yi/ /dam pa'i don ni ston par byed/ /
12b7 rgyal po dmag 'khor bcas pa rnams/ /thams cad bdud kyis bslus pas na/ /pho brang nang gi btsun mo rnams/ /dge slong yongs bskor mthong ba dang / /zhe sdang glang chen myos 'dra bas/ /gshed ma dag la
12b8 rab bsgo ba/ /dge slong nga yi btsun mo bslus/ /sdug bsngal chos kyis chad pas chod/ /blon po 'khor dang bcas pa rnams/ /thams cad bdud kyis zin pas na/ /dge slong nyes pa med pa la/ /sems kyis
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo