| e-texts navigator |
| བོད་ཡིག |
11a1 'grogs par gyur na thams cad byang chub sems dpa'i ye shes la 'jug pa nyid du 'gyur bar byed kyang / de'i sems mi gtsang zhing rang gi sdig pa'i las kyi dbang gis sems can dmyal ba dang / dud 'gro'i
11a2 skye gnas dang / gshin rje'i 'jig rten du lhung bar gyur bas 'di ltar byang chub sems dpa'i ma 'dres pa'i yon tan dang smon lam gyi stobs kyis kha na ma tho ba'i rnam par smin pa zad pa'i 'og tu gdon mi za bar bla na med
11a3 pa yang dag par rdzogs pa'i byang chub thob par 'gyur ba la 'god par byed do/ /glog thob sngon byung ba 'das pa'i bskal pa tshad med/ dpag tu med/ grangs med pa na snyigs ma lnga'i dus kyi tshe de bzhin gshegs pa
11a4 dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs
11a5 rgyas bcom ldan 'das rin po che'i phung po yon tan gyi sgra zhes bya ba byung ste/ de'i tshe skye dgu rnams tshe lo brgya nyi shu tham par gyur te/ da ltar nga ji lta ba bzhin no/ /de'i tshe sems can rnams 'dod chags dang / zhe sdang
11a6 dang / gti mug shin du che ste/ nyon mongs pa rnams kyis zil gyis non pas pha ma dang / phu nu dang / grogs po'i yid dang 'gal bar byed pa/ mkhan po dang / slob dpon gyi rjes su mi 'brang ba/ byas pa drin du mi
11a7 gzo ba/ rtag par gnod sems dang bcas pa/ g.yo sgyu dang rkun bu'i sems dang ldan pa/ phan tshun gcig la gcig gnod pa byed pa/ tshul bzhin ma yin par spyod pa/ sangs rgyas dang / chos dang / dge 'dun la
11a8 gus pa med pa/ ser snas zil gyis non pas yi dags kyi chos spyod pa'i sems can de lta bu sha stag sangs rgyas kyi zhing de na gnas par gyur bas ni shin du gdul dka' bar gyur to/ /de'i tshe bcom ldan
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo