rKTs

e-texts navigator

Volume

Page

84b₁ dgon pa na gnas kyang rung / shing drung na gnas kyang rung zhes bya ba dag dang / sems mnyam par bzhag pa na 'jig rten mtha' yod pa ma yin pa'i 'du shes can dang / mtha' med pa ma yin pa'i 'du shes can du gnas so/ /
84b₂ de 'di snyam du sems te/ 'jig rten 'di ni mtha' yod pa yang ma yin mtha' med pa yang ma yin pa de'i phyir/ des na bdag 'di snyam du 'jig rten ni mtha' yod pa yang ma yin mtha' med pa yang ma yin no snyam nas/ bdag
84b₃ dgon pa na gnas kyang rung shing drung na gnas kyang rung khang stong na gnas kyang rung ste zhes bya ba nas/ sems mnyam par bzhag pa na 'jig rten mtha' yod pa yang ma yin pa'i 'du shes can dang / mtha' med pa yang ma yin pa'i
84b₄ 'du shes can du gnas par bya'o snyam mo/ /de ltar na 'jig rten mtha' yod pa yang ma yin mtha' med pa yang ma yin pa 'di ni bzhi pa ste/ ci la rten cing ci la gnas nas zhes bya ba'i bar du snga ma bzhin no/ /dge sbyong dang
84b₅ bram ze kha cig sngon gyi mtha' la rtog cing / mtha' yod pa dang mtha' med pa pa ste/ bdag dang 'jig rten mtha' yod pa dang mtha' med pa'o zhes mngon par smra zhing mngon par brjod pa de thams cad ni gzhi bzhi po dag la
84b₆ ste/ de las mi lhag mi mang la de dag de bzhin gshegs pas yang dag pa ji lta ba bzhin du rab tu mkhyen de las lhag par yang dag pa ji lta ba bzhin du rab tu mkhyen to/ /de ltar na lta bar song ba 'di dag 'di ltar 'dzin pa dang
84b₇ 'di ltar mchog tu 'dzin pa dang 'di ltar len pa dang 'di ltar spyod pa zhes bya ba ni snga ma bzhin no/ /dge slong dag gang dag chos gzhan zab pa zab par snang ba zhes bya ba ni snga ma bzhin no/ /dge slong dag chos gang dag gzhan
84b₈ zab pa zab par snang ba dag gang zhe na zhes bya ba dag ni snga ma bzhin no/ /dge slong dag dge sbyong dang bram ze kha cig sngon gyi mtha' la rtog cing lha mi spong la lha mi spong ba dri ba dris pa dang gtam rlung bskur ba dag yod pa ni 'di

_{iiif viewer powered by OpenSeadragon}

84a - 85a

Texts on this page