| e-texts navigator |
| བོད་ཡིག |
83b1 chos gang dag gzhan zab pa zab par snang ba nas de dag gang zhe na zhes bya ba'i bar du ni snga ma bzhin no/ /dge slong dag dge sbyong dang bram ze kha cig sngon gyi mtha' la rtog cing mtha' yod pa mtha' med pa pa ste/ bdag dang
83b2 'jig rten ni mtha' yod pa'ang ma yin mtha' med pa'ang ma yin zhes mngon par smra zhing mngon par brjod pa de dag yod pa ni 'di lta ste/ gzhi bzhi po dag la'o/ /dge sbyong dang bram ze shes ldan de dag ci la rten cing ci la
83b3 gnas nas ci la gnas bcas te sngon gyi mtha' la rtog cing / mtha' yod pa dang mtha' med pa ste/ bdag dang 'jig rten ni mtha' yod pa 'ang yin mtha' med pa 'ang yin zhes mngon par smra zhing mngon par rjod pa
83b4 ni 'di lta ste/ gzhi bzhi po dag la'o/ /dge slong dag 'di na dge sbyong dang bram ze shes ldan kha cig dgon pa na gnas kyang rung shing drung na gnas kyang rung khang stong na gnas kyang rung ste/ brtson pa'i rgyu las 'byung ba
83b5 dang spong ba'i rgyu las 'byung ba dang sgom pa'i rgyu las 'byung ba dang lan mang du byed pa'i rgyu las 'byung ba dang yang dag pa yid la byed pa'i rgyu las 'byung ba dag gis/ sems zhi ba'i ting nge 'dzin de lta bu la reg par byed
83b6 do/ /de ltar sems mnyam par bzhag pa na/ 'jig rten la mtha' yod pa'i 'du shes can du gnas so/ /de 'di snyam du sems te/ 'jig rten mtha' dang ldan pa de'i phyir des na bdag ni 'di snyam du 'jig rten ni
83b7 mtha' dang ldan zhing yongs su chad pas bdag dgon pa na gnas kyang rung / shing drung na gnas kyang rung / khang stong na gnas kyang rung ste zhes bya ba nas/ 'jig rten la mtha' yod pa'i 'du shes can du gnas par bya'o
83b8 snyam pa'i bar du snga ma bzhin no/ /de ltar na 'jig rten mtha' dang ldan zhing yongs su chad pa 'di ni gzhi dang po ste/ ci la rten cing zhes bya ba ni snga ma bzhin no/ /gnyis pa ni dge sbyong dang bram ze shes ldan ci la
iiif viewer powered by OpenSeadragon
Texts on this page
J291 - tshangs pa'i dra ba'i mdo