rKTs

e-texts navigator

Volume

Page

82b₁ dag chos gang dag gzhan zab pa zab par snang ba yongs su dag pa/ yongs su byang ba de dag ngas rang gi mngon par shes pas/ mngon par rdzogs par sangs rgyas nas bshad la/ pha rol pos kyang de bzhin gshegs pa
82b₂ la gang yang dag pa ji lta ba bzhin snyan par smra zhing rjod par byed pa gang zhe na/ dge slong dag dge sbyong dang bram ze kha cig sngon gyi mtha' la rtog cing rgyu med par 'byung ba ste/ bdag dang 'jig rten ni rgyu med pa las 'byung ngo zhes
82b₃ mngon par smra zhing mngon par brjod pa yod pa ni 'di lta ste/ gzhi gnyis pa la'o/ /dge sbyong dag dang bram ze shes ldan de dag ci la rten cing ci la gnas nas ci la gnas bcas te/ sngon gyi mtha' la rtog cing rgyu med par
82b₄ 'byung ba ste/ bdag dang 'jig rten ni rgyu med pa las 'byung ba'o zhes mngon par smra zhing mngon par brjod pa ni 'di lta ste/ gzhi gnyis po dag la'o/ /dge slong dag gzugs kyi khams na/ 'du shes med pa'i sems can gyi lha
82b₅ rnams kyi 'du shes 'byung ba'i phyir/ sems can de dag gnas de nas shi 'pho bar 'gyur la/ ji ste sems can 'ga' zhig gnas de nas shi 'phos nas/ 'dir mi rnams dang skal ba mnyam par 'gyur
82b₆ zhes bya ba nas/ sngon 'du shes 'byung ba de yang dag par rjes su dran no zhes bya ba'i bar du snga ma bzhin no/ /'di snyam du sems te/ bdag dang 'jig rten rgyu med pa las 'byung ba de'i phyir/ des na bdag ni
82b₇ 'di snyam du bdag dang 'jig rten rgyu med pa las byung bas/ bdag sngon chad ma byung la da ltar byung ngo snyam pa ni gzhi dang po ste/ ci la rten cing zhes bya ba dag ni snga ma bzhin no/ gnyis pa ni dge sbyong dang bram ze
82b₈ shes ldan ci la rten cing ci la gnas nas zhes bya ba dag ni snga ma bzhin no/ /'di ni kha cig dpyod pa can rtog ger zhugs pa'i sa la gnas pa/ rang gi spobs pa las byung ba/ so so'i skye bo pa/ rtog ge'i rjes

_{iiif viewer powered by OpenSeadragon}

82a - 83a

Texts on this page