rKTs

e-texts navigator

Volume

Page

79a₁ go zhes mngon par smra zhing mngon par rjod pa de thams cad ni gzhi bzhi po 'di dag lta ste/ de las mi lhag mi mang la de ltar na lta bar song ba 'di dag 'di ltar 'dzin pa dang / 'di ltar mchog
79a₂ tu 'dzin pa de dag de bzhin gshegs pas yang dag pa ji lta ba bzhin rab tu mkhyen de las lhag par yang dag pa ji lta ba bzhin du rab tu mkhyen to/ /'di ltar rab tu mkhyen pa na mchog tu mi 'dzin to/ /mchog
79a₃ tu mi 'dzin pas bdag nyid mya ngan las 'das par yang rig cing de ltar lta bar song ba 'di dag gi 'gro ba ni 'di lta bu'o/ /skye ba ni 'di lta bu'o/ /tshe phyi ma ni 'di lta bu yin no zhes de dag de bzhin gshegs
79a₄ pas yang dag pa ji lta ba bzhin du rab tu mkhyen/ de las lhag par yang dag pa ji lta ba bzhin du mkhyen/ de dag de bzhin gshegs pas yang dag pa ji lta ba bzhin du mkhyen/ de las lhag par yang dag
79a₅ pa ji lta ba bzhin du rab tu mkhyen nas kyang mchog tu mi 'dzin to/ /mchog tu mi 'dzin pas bdag nyid mya ngan las 'das par rig nas kun 'byung tshor ba rnams nub par thugs su chud de/ 'di ni sdug
79a₆ bsngal lo/ /'di ni sdug bsngal nges par 'byin pa'o zhes bya bar rab tu mkhyen to/ /dge slong dag chos gang dag gzhan zab pa zab par snang ba yongs su dag pa/ yongs su byang ba de dag ngas rang gi mngon
79a₇ par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin du snyan pa smra zhing rjod par byed do/ /dge slong dag chos
79a₈ gang dag gzhan zab pa zab par snang ba dag ces bya ba snga ma bzhin no/ /dge slong dag dge sbyong dang bram ze kha cig sngon gyi mtha' la rtog cing kha cig ni rtag pa ste/ bdag dang 'jig rten kha cig rtag go

_{iiif viewer powered by OpenSeadragon}

78b - 79b

Texts on this page