rKTs

e-texts navigator

Volume

Page

77b₁ slong dag dge sbyong dang bram ze kha cig rtag par smra ba rnams sngon gyi mtha' la rtog cing / bdag dang 'jig rten ni rtag go zhes mngon par smra zhing mngon par rjod pa yod pa ni 'di lta ste gzhi bzhi po dag la'o/ /
77b₂ dge sbyong dang bram ze shes ldan rtag par smra ba de dag ci la rten cing ci la gnas nas/ ci la gnas bcas te sngon gyi mtha' la rtog cing bdag dang 'jig rten ni rtag go zhes mngon par smra zhing mngon par brjod pa ni 'di
77b₃ lta ste/ gzhi bzhi po dag la'o/ /dge slong dag 'di ni dge sbyong dang bram ze kha cig dgon pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i
77b₄ rgyu las byung ba dang spong ba'i rgyu las byung ba dang sgom pa'i rgyu las byung ba dang lan mang du byed pa'i rgyu las byung ba dang yang dag pa yid la byed pa'i rgyu las byung ba dag gis/ sems zhi ba'i ting nge 'dzin de lta bu la reg par
77b₅ byed do/ /de ltar sems mnyam par bzhag pa na/ 'jig pa dang chags pa'i bskal pa phrag nyi shu yang dag par rjes su dran no/ /de 'di snyam du sems te/ de'i phyir bdag dang 'jig rten rtag pa
77b₆ des na/ bdag 'di snyam du/ bdag dgon pa na gnas kyang rung shing drung na gnas kyang rung khang stong na gnas kyang rung ste/ brtson pa'i rgyu las byung ba dang spong ba'i rgyu las byung ba dang sgom pa'i rgyu las byung ba dang
77b₇ lan mang du byed pa'i rgyu las byung ba dang yang dag pa yid la byed pa'i rgyu las byung ba dag gis/ sems zhi ba'i ting nge 'dzin de lta bu la reg par bya'o snyam mo/ /de ltar sems mnyam par bzhag pa na/ 'jig
77b₈ pa dang chags pa'i bskal pa phrag nyi shu yang dag par rjes su dran no/ /de ltar bdag dang 'jig rten rtag pa ni mi 'gro ba 'gro ba med pa bsgyur du mi rung ba ther zug tu gnas pa lcags kyi sdong po ltar 'dug pa ste/ de ltar

_{iiif viewer powered by OpenSeadragon}

77a - 78a

Texts on this page