rKTs

e-texts navigator

Volume

Page

77a₁ po rnams kyi sgo bsdams pa la gnas pa dran pas kun nas bsrungs pa rtag par dran pa dran pas yid kun nas bsrungs pa/ gnas skabs mnyam pa la 'jog par byed pa/ de mig gis gzugs
77a₂ rnams la lta ba na mtshan mar 'dzin pa med pa yin te/ yid kyi dbang po'i bar du yang sdom pa blangs pa yin no/ /gau ta ma de ni 'di ltar tshul khrims kyi phung po 'di dang / dbang po'i sgo bsdams pa 'di dang
77a₃ ldan pa yin la/ 'gro ba dang 'ong ba la shes bzhin du gnas pa yang yin zhing / lta ba dang rnam par lta ba nas gnyid kyis dub pa sel ba'i bar du'ang shes bzhin du gnas pa yin no/ /gau ta ma de ni 'di ltar
77a₄ 'phags pa'i tshul khrims kyi phung po 'di dang / dbang po'i sgo bsdams pa 'di dang ldan la/ dran pa dang shes bzhin mchog 'di dang ldan pa'i phyir mal stan bde ba la gnas pa nas 'dod pa dag las dben pa/
77a₅ sdig pa mi dge ba'i chos rnams las dben pa rtog pa dang bcas shing dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas nas gnas pa'i bar te/ 'dod pa
77a₆ rnams las dben pa ni de lta bu yin no/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas
77a₇ bshad la/ pha rol pos kyang de bzhin gshegs pa la gang yang dag pa ji lta ba bzhin snyan pa smra zhing rjod par byed do/ /dge slong dag chos gang dag gzhan zab pa zab par snang ba yongs su dag pa yongs su byang
77a₈ ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan pa smra zhing rjod par byed pa gang zhe na/ dge

_{iiif viewer powered by OpenSeadragon}

76b - 77b

Texts on this page