| e-texts navigator |
| བོད་ཡིག |
76b1 ji skad smras pa de bzhin byed cing ji ltar byed pa de bzhin smra ba yin no/ /gau ta ma de ni 'di ltar srog gcod pa spangs nas srog gcod pa las slar log pa ste/ srog chags su gyur pa'i sems can thams cad
76b2 la snying rje dang ldan zhing ngo tsha shes pa dang / dbyug pa spangs shing mtshon cha spangs pas tha na srog chags grog sbur yan chad la yang srog gcod pa spangs pa yin no/ /gau ta ma de ni 'di ltar ma byin par len pa spangs nas
76b3 ma byin par len pa las slar log pa ste/ ma byin par mi len pa/ byin pa la ni dga' ba yin te/ de bzhin du rgya cher ro/ /ji ltar 'di ni dge sbyong dang / bram ze kha cig dad pas byin pa yongs su spyod cing /
76b4 rig pa yon po dag gis log par 'tsho bas 'tsho bar byed de/ 'di lta ste nyi ma dang zla ba gnyis lam nas rgyu ba'i rnam par smin pa ni 'di lta bu'o/ /nyi ma dang zla ba gnyis lam log pa nas rgyu ba'i rnam par smin pa ni
76b5 'di lta bu'o/ /gza' nyi ma dang gza' zla ba'i lam dang skar mda' ltung ba las phyogs 'bar ba dang / bar snang las lha'i rnga sgra grag pa'i rnam par smin pa ni 'di lta bu'o/ /gza' nyi ma dang gza' zla ba'i lam log
76b6 pa dang skar mda' ltung ba las phyogs 'bar ba dang / bar snang las lha'i rnga sgra grag pa dang / yang nyi ma dang zla ba 'di gnyis 'di ltar mthu che ba/ 'di ltar rdzu 'phrul che ba'i rnam par smin pa ni 'di lta bu'o/ /
76b7 'char ba dang 'ong ba dang kun nas nyon mongs pa dang rnam par byang ba rnam par gzhag pa dag tu mi shes pa ni 'di lta ste/ lam dang lam log pa'i phyir ro/ /gau ta ma de ni rig pa yon po dag gis log par 'tsho bas
76b8 log par 'tsho bar byed pa de lta bu dag spangs pa yin no/ /ji ltar na 'dod pa rnams las rab tu dben pa yin zhe na/ gau ta ma de ni 'di ltar 'phags pa'i tshul khrims kyi phung po 'di dag dang ldan zhing / dbang
iiif viewer powered by OpenSeadragon
Texts on this page
J291 - tshangs pa'i dra ba'i mdo