rKTs

e-texts navigator

Volume

Page

76a₁ med do/ /dge slong dag de'i phyir nga la mi snyan par rjod la/ chos dang dge 'dun la yang mi snyan par rjod pa na/ yang dag pa la ni yang dag pa nyid tu khas blang bar bya la/ yang dag pa ma yin pa la ni yang
76a₂ dag pa ma yin pa nyid tu ste/ 'di ltar de ni yang dag pa ma yin zhing de kho na ma yin pas nged kyi chos 'di la ni yod pa ma yin no zhes lan gdab par bya'o/ /dge slong dag nga la snyan pa rjod la/ chos dang dge 'dun la
76a₃ yang snyan pa rjod pa na/ dga' bar yang mi bya'o/ /yid bde bar yang mi bya'o/ /sems ye ye por yang mi bya'o/ /dge slong dag nga la snyan pa rjod la/ chos dang dge 'dun la yang snyan pa rjod pa na/
76a₄ dga' ba 'am yid bde ba 'am sems ye ye por gyur na/ des na khyed kyi bar du gcod pa kho nar 'gyur ba'i phyir ro/ /dge slong dag /de ci'i phyir zhe na/ dge slong de re shig dga' bar gyur pa dang / yid
76a₅ bde bar gyur pa dang / sems ya ya por gyur pas/ gzhan rjod pa'i don gyi rnam pa thams cad yongs su rdzogs par shes pa 'am/ mthong bar 'gyur ba 'di ni gnas med do/ /dge slong dag de'i phyir
76a₆ nga la snyan pa rjod la/ chos dang dge 'dun la yang snyan pa rjod pa na/ yang dag pa la ni yang dag pa nyid du khas blang bar bya la/ yang dag pa ma yin pa la ni yang dag pa ma yin pa nyid tu ste/ 'di ltar de ni yang dag
76a₇ pa ma yin zhing de kho na ma yin pas/ nged kyi chos 'di la ni yod pa ma yin no zhes lan gdab par bya'o/ /dge slong dag gang byis pa so so'i skye bo thos pa dang mi ldan pa dag /de bzhin gshegs pa'i snyan pa
76a₈ cung zad tsam 'di smra zhing rjod pa 'di lta ste/ tshul khrims tsam dang 'dod pa dag las rab tu dben pa yin no/ /ji ltar na tshul khrims tsam yin zhe na/ gau ta ma de ni 'phel ba'i tshul khrims can yin la/

_{iiif viewer powered by OpenSeadragon}

75b - 76b

Texts on this page