| e-texts navigator |
| བོད་ཡིག |
74b1 dga' bo khyod yin no/ /de'i tshe khye'u ya ri zhes bya ba ni da ltar nga'i sras sgra gcan 'dzin yin no/ /de'i tshe bu mor gyur pa de ni yum sru gau ta mI zhes bya ba yin no/ /de'i tshe bram ze slongs mo pa de ni da ltar lha sbyin nyid yin
74b2 no/ /de'i tshe bram ze'i chung mar gyur pa de ni da ltar bram ze mo tsan tsa ma na yin no/ /de ltar na nga shin tu byed dka' ba yang grangs med dpag tu med/ dge ba'i las byas pa yang grangs med dpag tu med de/ de bas
74b3 mdo ste 'di dge slong dang bram ze la sogs pa la rgyas par ston cig / byang chub sems dpa' sems dpa' chen pos sbyin pa byas pa'i sbyin pa'i pha rol tu phyin pa 'di lta bu dag yin no/ /'phags pa rgyal bu don grub
74b4 kyi mdo zhes bya ba/ bam po gcig pa/ rdzogs so// // @#/ /rgya gar skad du/ brah+ma dzA la sU tra/ bod skad du/ tshangs pa'i dra ba'i mdo/ dkon mchog
74b5 gsum la phyag 'tshal lo/ /'di skad bdag gis thos pa dus gcig na/ bcom ldan 'das dge slong gi dge 'dun chen po stong nyis brgya lnga bcu dang / dge bsnyen stong dang / slongs mo pa lnga brgya rnams dang thabs
74b6 gcig tu yul ma ga d+ha'i ljongs rgyu zhing gshegs gshegs pa las/ mtshan mo rgyal po'i khab dang / skya snar can gyi grong gi bar de na 'od ma'i lcug phran rgyal po'i gnas su dge slong gi dge 'dun dang thabs gcig tu bzhugs
74b7 so/ /de'i tshe kun du rgyu rab dga' rnam grangs du ma'i sgo nas/ sangs rgyas la mi snyan par brjod la/ chos dang dge 'dun la yang mi snyan par brjod pa dang / kun du rgyu rab dga'i slob ma bram ze'i bu tshangs sbyin
74b8 zhes bya ba ni/ rnam grangs du ma'i sgo nas/ sangs rgyas la snyan pa brjod la/ chos dang dge 'dun la yang snyan pa brjod pa zhig ste/ de ltar slob dpon dang / slob ma de gnyis phan tshun lta ba dang / mos pa dang
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo
J291 - tshangs pa'i dra ba'i mdo