| e-texts navigator |
| བོད་ཡིག |
72b1 rol cing rol mo mdzad kyang sras la cung zad tsam yang dgongs pa'i thugs kyang mi mnga' bas/ de bas na bu pho ni rin chung la bu mo ni rin che bar mngon no/ /rgyal pos de skad ces smras pa thos nas lhag par mi dga'
72b2 ba'i mya ngan skyes te/ mchi ma blags nas 'di skad du bdag ni rab tu gnong na khyed ci'i phyir kho bo'i pang du mi 'ong / khyed nga la mi dga' 'am 'on te bram zes 'jigs shes dris na/ byis pa na re bdag cag ni rgyal po
72b3 chen po la mi dga' ba 'am bram zes skrag pa yang ma lags na/ thog ma rgyal po chen po'i tsha bo las da ltar mi'i bran khol du gyur pas/ gang na yang mi'i bran khol rgyal po'i pang du 'dug pa'i chos med pas mi spobs
72b4 so/ /rgyal pos de skad ces smras pa thos nas/ lhag par mya ngan gyis gdungs par gyur te mi dga' bar gyur nas/ bus gsol pa bzhin du bram ze la rin byin cig ces bsgo nas/ bu gnyis gdod rgyal po'i pang du blangs
72b5 so/ /bu gnyis rgyal pos blangs nas phyag gis bu gnyis kyi mgo nas byugs te 'di skad ces smras so/ /khyed ri la gnas pa na/ zas su ni ci za gos su ni ci gyon zhes dris na/ bu gnyis na re/ zas su ni shing
72b6 gi 'bras bu shing thog za/ gos su ni lpags pa dang snam bu gyon te/ bya mang po dang rtse dga' bas mya ngan gyi sems med do zhes gsol to/ /de nas rgyal pos bram ze de la phyi rol tu song shig ces bsgo ba dang / bu gnyis kyis rgyal po la 'di
72b7 skad ces gsol to/ /bram ze 'di rab tu bkres skom gyis nyen na/ de la kha zas kyis tshim par mdzad du gsol/ rgyal pos smras pa/ khyod la mi dga' ba 'am 'khon tu 'dzin pa med par phyir kha zas sbyin par sems/ bus smras
72b8 pa/ bdag gi pha byang chub kyi lam la dga' bas nor rdzas kyis sbyin du med de/ bdag gi lus kyis slong ba la byin pa yang bdag cag la dbang ba'i bdag po lags te/ 'dis bdag cag la bkol ba'i las
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo