| e-texts navigator |
| བོད་ཡིག |
71a1 la yang ma sbyin cig ces smras so/ /rgyal bus slar smras pa/ ci'i phyir mi khrid mi 'dod dam ci mir skyes pa'i chung ma'i nang na chung ma 'di ni shin tu yang bzang zhing mdzes te rgyal po'i bu mo yin na/ rgyal po de la bu
71a2 mo 'di gcig pu las med de/ chung ma 'di ni bdag la chu gang che bas kha zas btso ba dang bsreg pa yang lag dar te byed/ bza' ba dang btung ba ngan kyang ngan ces mi 'khang ste/ rtag tu 'grub che la byad bzhin yang bzang la mdzes pas
71a3 khyod khyer na bdag dga'o zhes smras so/ /bram zes rgyal bu la smras pa/ bdag ni bram ze ma yin gyi brgya byin lha'i dbang po yin te ched du khyod bgam pa'i phyir 'ongs pa yin no zhes phyir brgya byin gyi lus bzang por bsgyur nas/
71a4 khyed ci dang cir smon ces smras so/ /de nas btsun mos gus par phyag 'tshal te smon lam rnam pa gsum zhig gsol to/ /gang zhe na gcig tu bdag gi bu khrid pa'i bram ze phyir yang bdag gi yul du song bar gyur cig /
71a5 gnyis su na bdag gi bu gnyis bkres pa dang skom pas sdug bsngal bar ma gyur cig /gsum du na rgyal bu dang bdag cag gnyis kyang phyir bdag cag gi yul du myur du 'khor bar gyur cig ces smras pa dang / brgya byin lha'i dbang
71a6 pos kyang de bzhin du smon lam grub par gyur cig ces smras so/ /rgyal bus smras pa/ bdag ni sems can thams cad skye ba dang rga ba dang na ba dang 'chi ba'i sdug bsngal las sgrol bar gyur cig ces smon lam btab pa dang /
71a7 brgya byin lha'i dbang pos smras pa/ smon lam 'di ni shin tu yang rgya che ste bla na med pa yin no/ /gal te mtho ris su skye zhing nyi zla la dbang ba'i bdag por 'dod dam 'jig rten gyi rgyal por 'dod dam tshe ring zhing yun tu gnas par
71a8 'dod na/ bdag gis sbyin nus kyis khyod kyis smras pa'i smon lam khams gsum las mchog tu 'das pa yin pas bdag gis nus pa ma yin no/ /rgyal bus smras pa/ da ltar re shig shin tu phyug por gyur
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo