rKTs

e-texts navigator

Volume

Page

70b₁ lam btab pa las/ bdag de'i tshe khyod dang 'di skad ces dam ma bcas sam/ khyod bdag gi chung mar dga' na bdag gi yid dang 'gal bar ma byed cig /bdag sbyin pa zhig byed na pha ma gnyis ma gtogs par gzhan sbyin yang bdag gi
70b₂ yid bzhin du sbyin pa las 'gal bar ma byed cig ces dam bcas pa las/ de'i tshe khyod na re de bzhin du bya'o zhes mi zer ram/ da khyod kyi bu gnyis gzhan la byin pa la bdag gi dge ba'i sems dkrug tu yang ci yod ces rgyal bus
70b₃ smras ma thag tu/ btsun mos thos pa tsam gyis sems dang yid kyis sngon gyi gnas dran pa'i mngon par shes pa tshor bar gyur te/ rgyal bu'i bsam pa myur bar rdzogs par 'dod pas yid bzhin du sbyin pa la rjes su yi rang bar
70b₄ gyur to/ /de nas lha'i dbang po brgya byin rgyal bus sbyin pa byin pa ji ltar sems pa bsams pa'i phyir bram ze zhig tu sprul to/ /bram ze de yang mi sdug pa rnam pa bcu gnyis dang ldan te/ rgyal bu ga la ba der song nas 'di skad
70b₅ ces smras so/ /rgyal bu khyod sbyin pa la dga' bas pha rol po'i yid dang 'gal bar mi byed ces grag ste/ bdag kyang ched du 'dir slong du 'ongs kyis khyod la btsun mo yod pa de bdag la byin cig /rgyal bus smras pa/ shin
70b₆ tu legs te de bzhin du sbyin no zhes smras so/ /btsun mos smras pa/ bdag kyang pha rol po la byin na rgyal bu'i g.yog sus bya/ rgyal bus smras pa/ da khyod kyang sbyin pa ma byas na ji ltar yang bla na med pa'i mnyam snyoms pa'i byang
70b₇ chub thob par 'gyur/ de nas rgyal bus chu snod thogs te bram ze'i lag pa bkru ba'i phyir/ lag par chu blugs nas btsun mo yang bram ze la phul lo/ /de ltar rgyal bu la 'gyod pa'i sems cung zad kyang med par brgya byin
70b₈ gyis rtogs nas lha rnams kyis bstod cing bsngags te gnam sa yang cher g.yos so/ /de nas bram zes btsun mo khrid de gom pa bdun tsam du phyin pa dang / phyir log nas btsun mo 'di rgyal bu la phyir gtams kyis su

_{iiif viewer powered by OpenSeadragon}

70a - 71a

Texts on this page