rKTs

e-texts navigator

Volume

Page

69a₁ mi rtag pas yid brtan du mi rung kho bo nam bla na med pa'i mnyam snyoms pa'i byang chub thob pa na khyod thar pa'i don bya'o zhes bsgo'o/ /bu gnyis kyis yang yab rgyal bu la smras pa/ bus ni ma la mchi phyag bya ba lags na
69a₂ da gzhar yang mi phrad de/ ma'i ngo ma mthong ba yang bdag cag gi sngon gyi sdig pa'i las kyis gdungs par zad na/ bdag cag gi ma ci'i phyir mya ngan gyis gdungs shing sdug bsngal bar mi 'gyur zhes smre sngags 'don to/ /bram zes smras pa/
69a₃ bdag rgas la nyam chung bas bus pa 'di gnyis bdag bor te ma'i thad du bros par gyur na bdag gis byar med par 'gyur gyis/ khyod kyis chings la dkris shig ces smras pa dang / rgyal bus kyang bu gnyis kyi lag pa phying ka log
69a₄ tu bzung ste/ bram ze nyid 'ching du bcug nas phying ka log tu bcings pa'i thag pa bram ze'i lag par byin te sbrel nas khrid do/ /bu gnyis ni de ltar khrid kyang 'gror ma btub ste 'then pa las bram zes lcag thogs te/
69a₅ ded nas gzhus pa'i lam du khrag byung ba yang sa la chal par gang ngo / /rgyal bus de ltar mthong nas mchi ma byung ste/ mchi ma sa la bo bas sa yang khol bar gyur to/ /rgyal bu dang ri dgas dang gcan zan mang po thams
69a₆ cad kyis bu gnyis bskyal te mi snang bar gyur pa dang / bzod phyir log go/ /ri dgas dang gcan zan la sogs pas rgyal bu bskyal te/ phyir rgyal bu dang rtse ba'i gnas su phyin nas snying rje ba'i skad phyung ste lus
69a₇ sa la rdebs shing 'gro'o/ /bram ze des lam du zhugs te song song ba las/ lam kar skyed shing zhig yod pa la bu gnyis btags te 'dug go/ /de nas chas pa dang bu gnyis ma dang phrad du re nas shing gi dpag 'khri zhing
69a₈ 'gror ma btub nas/ bram zes yang gzhus pa las bu gnyis kyis 'di skad ces smras so/ /bdag cag la ma rdeg cig /bdag cag rang 'gro'o zhes gnam la yar bltas te/ yang 'di skad ces smras so/ /ri gnyen

_{iiif viewer powered by OpenSeadragon}

68b - 69b

Texts on this page