| e-texts navigator |
| བོད་ཡིག |
67b1 du 'ongs snyam bsams nas/ dpe 'di skad ces brjod par gyur to/ /dper na me ni rang bzhin gyis tsha zhing 'bar ba yin na/ de'i steng du shing bsnan pa dang 'dra ste bdag kyang da ltar mya ngan gyis gdungs te/ me dang 'dra ba las da yang rgyal
67b2 bu ga re zhes 'dri ba ni me la shing gis bsnan pa dang 'dra'o/ /bram zes gsol pa/ bdag ni lam ring po nas 'ongs pa yang rgyal bu rgyal tshab mi'i yid dang mi 'gal bar sbyin pa bgyid do zhes ming yang snyan pa steng du gnam la thug /
67b3 'og tu ni chu mig gi gting la thug gi bar du grags pa bdag lam ring po nas re ba yod pas 'ongs so/ /rgyal pos smras pa rgyal bu don grub ni da ltar ri shin tu dben pa na gnas te/ rab tu dbul zhing ci yang med na/ khyod la
67b4 ci zhig sbyin du yod/ bram zes smras pa/ rgyal bu la ci yang med kyang bdag phrad par dga'o zhes smras pa dang / rgyal pos kyang gzhan zhig la lam ston cig ces bsgo'o/ /de nas bram ze de song song ba las dan tig gi ri drung
67b5 du chu chen po zhig yod par phyin nas/ rgyal bu 'ba' shig bsams shing yid la byas pas chu'i pha rol tu phyin par gyur to/ /de nas bram ze ri de la phyin nas thog ma rngon pa zhig dang phrad de rngon pa de la khyod ri la rgyal bu
67b6 don grub ces bya ba mthong ngam zhes dris pa dang / rngon pa des kyang rgyal bu sbyin pa la dga' bas bram ze 'di dag gi phyir ri la spangs par shes pas/ rngon pa des kyang bram ze bzung nas shing la bcings te brdegs pas
67b7 lus la rma yang byung ngo / /rngon pas yang smras pa/ khyod rgyal bu dris te ci zhig bya mda' 'phang ngo zhes byas pa dang / bram ze de 'di snyam du/ da ni 'dis bdag gsod yang dag na brdzun zhig bya'o snyam bsams nas/
67b8 rngon pa la khyod bdag la 'dri na ci nyes ces smras so/ /de nas rngon pas 'o na ci zhig smra bar sems shes dris pa dang / bram zes brdzun tshig 'di skad ces smras so/ /rgyal po yab rgyal bu mthong bar dga' bas bdag
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo