| e-texts navigator |
| བོད་ཡིག |
67a1 khyim thab la 'di skad ces smras so/ /bdag chu chur song song ba las/ lam du khyo ga gzhon nu dag cig dang phrad de/ de dag bdag la co 'dri zhing brgad nas/ da khyod kyis bkol ba'i bran khol yod na chu chu yang mi dgos te/
67a2 gzhan gyis dpyas par yang mi 'gyur ro/ /khyim thab kyis smras pa/ bdag cag ni shin tu yang dbul phongs pa yin na bran khol ga las rnyed par 'gyur/ chung mas smras pa/ gal te bdag gi phyir bran khol ma btsal na bdag kyang 'gro
67a3 ste/ khyod dang lhan cig mi gnas so zhes chung mas yang 'di skad ces smras so/ /kho mos thos na/ rgyal bu don grub sbyin pa ma 'os par byin pas yab rgyal pos ri dan tig ces bya bar spangs so/ /rgyal bu de la bu khye'u gcig dang bu
67a4 mo gcig yod ces grag gis/ khyod de slong du song shig /khyim thab kyis smras pa/ ri dan tig ces bya ba 'di nas dpag tshad drug stong lhag tsam gcig gi lam so yod la/ sngon la lung bgrod kyang ma myong na da ci ltar bgrod par bya/
67a5 chung mas smras pa/ bdag gi phyir bran khol ma btsal na bdag 'gegs te 'chi'o zhes smras pa dang / khyim thab kyis smras pa/ nyes na kho bo ni gcig gis bsad kyang sla'o/ /khyod shi bar mi 'dod do zhes smras nas/ khyod kyis bdag slong du
67a6 'gro bar dad na kho bo'i rgyags dang dgos pa sbyor cig ces bsgo'o/ /chung mas smras pa/ da song shig rgyags dang dgos pa yang med do zhes smras nas/ bram zes rgyags rang sbyar te rkang pas lam du zhugs te song ngo / /de nas bram
67a7 ze yul ya ba zhes bya ba ga la ba der song ste der phyin pa dang rgyal po'i pho brang gi sgor 'ongs nas sgo srung ba la rgyal bu don grub da ltar ga la 'dug ces dris pa dang / sgo srung de pho brang gi nang du song nas rgyal po la da ltar phyi rol na
67a8 bram ze zhig rgyal bu don grub ga re zhes 'dri'o/ /rgyal pos rgyal bu ga re zhes smra ba'i tshig thos pa tsam gyis sems 'khrug cing khros nas/ 'di snyam du 'di 'dra ba sha stag gi phyir nga'i sras spangs par gyur na/ da yang slong
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo