| e-texts navigator |
| བོད་ཡིག |
66b1 snyan pa 'byin par gyur to/ /btsun mo man tes ni shing gi 'bras bu dang shing tog brngas shing rgyal bu la phul te/ sras ming sring gnyis kyang snyod do/ /sras bu ming sring gnyis ni skabs skabs su pha ma gnyis dang bral te/
66b2 ha cang yang mi ring ba'i chu mig 'gram dag tu gcan zan nam ri dgas dag dang lhan cig rtse ste/ bar 'ga' zhag lon par yang rtse'o/ /phyis dus gzhan zhig na sras khye'u ya ri seng ge la zhon pa las/ seng ge rgal nas rdab
66b3 cig bsnun pas sras bu'i gdong pa cung zad snad de khrag byung ba las/ spre'u zhig gis shing gi lo ma blangs te gdong gi khrag phyis nas chu 'gram du khrid de khrag bkrus pa yang rgyal bus rgyang ma nas mthong ngo / /de'i tshe yul
66b4 kai lai zhes bya bar bram ze dbul po zhig lo bzhi bcu lon nas chung ma blangs so/ /chung ma ni rab tu bzang zhing sdug la/ bram ze de ni rab tu mi sdug pa'i mtshan ma bcu gnyis rdzogs par yod de/ de'i lus mdog
66b5 sol ba ltar gnag la gdong la 'bur 'bur po gsum yod pa/ sna 'khyor zhing mig gnyis shel ltar sngo ba/ gdong gnyer ma can la ma mchu 'phyang ba/ smra ba'i skad mi snyan pa/ gsus pa che ba/ rkub 'bur
66b6 ba/ rkang pa gnyis gyol ba/ mgo shu ba can la skra med pa/ 'dre ltar mi sdug pa zhig ste/ chung mas kyang mthong mi 'dod pa tsam du shi yang sla zhes rgyun tu dmod mo byed pa zhig yod do/ /dus gzhan zhig na chung ma
66b7 de chu chur song song ba las/ lam du khyo ga gzhon nu ma dag cig dang phrad nas khyo ga rnams kyis khyim thab kyi gzugs 'di 'dra'o zhes co 'dri zhing brgad nas/ khyod ni dpe med par bzang zhing sdug na/ ci ltar 'di 'dra ba'i chung
66b8 ma byed nus ces smras pa dang chung mas khyo ga de dag la 'di skad ces smras so/ /rgan po'i mgo ni shing la ba mo chags pa ltar skya ba de nang nub tu shi bar dga' na shir mi btub ji ltar bya/ de nas chu snod thogs nas phyir khyim du 'ongs te/
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo