| e-texts navigator |
| བོད་ཡིག |
65b1 chu dang chu mig dang mtshe'u dang lteng ka ldan te chu ni mngar 'bras bu ni zhim/ chu bya dang ngar ngur dang 'jol mo dang ri skegs la sogs pa bya rnam pa sna tshogs dag kyang gnas pa mthong nas rgyal bus btsun mo la yang 'di skad ces
65b2 smras so/ /ri 'di la bltas na shing dang tshal gnam la reg pa tsam tu skyes na yang / brngas pa 'am bcad pa med pas chu mig zhim po la 'thung zhing 'bras bu mngar ba za ste/ ri 'di la sgom pa dag yod pas 'dir gnas par
65b3 bya'o/ /rgyal bu ri de la phyin pa na/ ri de la gnas pa'i 'dab chags bya dang gcan zan dang ri dgas thams cad rab tu dga' nas rgyal bu bsus so/ /de'i tshe ri de la sgom pa'i dge slong a tshu ta zhes bya ba lo lnga brgya lon pa/
65b4 yon tan mchog dang ldan pa zhig gnas te/ rgyal bu de'i drung du song nas/ phyag byas te phyogs gcig tu 'dug nas 'di skad ces smras so/ /ri 'di la gang phyogs na 'bras bu dang chu mig bzang por ldan pa gnas su
65b5 rung ba ci yod ces dris pa dang / a tshu tas smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung ste/ ri 'di ni shin tu dben pa'i gnas gtsang ma yin pas na
65b6 ci rgyal bu khyod chung ma dang bu smad du bcas te chos slob du 'ongs sam/ de la rgyal bus smra ma khom par btsun mo man tes smras pa/ dge slong la 'di skad ces smras so/ /btsun pa ri la lam bsgoms nas ji srid cig lon/ dge slong
65b7 gis smras pa/ ri 'dir phyin nas lo bzhi brgya 'am lnga brgya tsam lon no/ /btsun mo man tes smras pa/ da dung bdag dang bdag gi bar du 'dzin na nam zhig lam thob par 'gyur/ de srid du ri la gnas kyang rdo shing dang tha
65b8 mi dad de bdag dang bdag gir mi 'dzin na gdod lam thob par 'gyur ro zhe'o/ /dge slong gis smras pa/ bdag gis yang dag par don de lta bu mi shes so/ /de nas rgyal bus dge slong la smras pa/ btsun pa
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo