| e-texts navigator |
| བོད་ཡིག |
64a1 'di ni rdo ba yin pa lta/ snying ni rdo rje yin pa lta ste/ bdag gis rgyal po chen po'i rim gro bya ba la skyon ma byung na/ da kho mo'i bu gcig pu 'di dang bye bral te/ 'gro na ci'i phyir kho mo'i snying 'di gas te shi bar ma gyur/ bu 'di
64a2 kho mo'i khong pa na 'dug pa na skyed shing gi 'dab ma ltar nyin mtshan cher skyes te/ da skyed rdzogs nas kho mo bor te song bas na/ btsun mo thams cad kyang bdag la snying tshim mo zhes brjod la rgyal pos kyang bkur bar mi 'gyur na/ gal te
64a3 lha rnams kyis bdag gi smon lam bzhin mi 'gal bar mdzad na bdag gi bu phyir yul du 'khor bar shog cig ces smon lam btab bo/ /de nas rgyal bu btsun mo dang sras gnyis dang bcas te/ yab dang yum la mchi phyag
64a4 byas te dong ngo / /de'i tshe btsun mo nyi khris ni so so nas mu tig gi chun po re re brdzangs so/ /blon po chen po bzhi stong gis ni rin po che sna bdun las byas pa'i me tog pad mo re re rgyal bu la brdzangs so/ /de nas rgyal bu pho
64a5 brang nang nas byung ste grong khyer gyi byang sgor phyin nas/ rin po che sna bdun gyi me tog dang do shal yang ril gyis phyogs bzhi nas 'dus pa la ma lus par byin no/ /yul de na gnas pa'i mi mang po khri phrag du mas rgyal bu
64a6 bskyal te/ de dag 'di skad ces gtam du brjod do/ /rgyal bu 'di ni shin tu dge ba yul gyi lha gnyan lta bu yin na/ ci'i phyir yab yum gyis sras rin po che 'di lam ring du spangs ces mthong ba thams cad kyis phangs
64a7 so zhes smras so/ /de'i tshe rgyal bu grong khyer gyi phyi rol du/ skyed shing gi drung na 'dug ste/ skyel ba'i mi rnams la 'di nas phyir dengs shig ces spro ba'i tshig smras pa dang / skyel skyel ba che chung thams cad mchi ma blags te
64a8 ngus nas phyir dong ngo / /de nas rgyal bus btsun mo dang sras gnyis shing rta'i nang du bzhag nas/ rgyal bu nyid kyis shing rta kha lo bsgyur te song ba las rgyangs chad par phyin te/ skyed shing gi drung na ngal so zhing 'dug pa las
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo