| e-texts navigator |
| བོད་ཡིག |
63b1 gdug pa yang yod na/ khyod de lta bu dag bzod dam/ man tes smras pa/ bdag la mnyen zhing 'jam pa dang gur dang yol ba dang mngar ba dang zhim pa ci zhig bgyi rgyal bu dang bral zhing so sor mchi ba bdag mi bzod de/ nam du yang rgyal bu
63b2 dang mi 'bral zhing lhan cig 'grogs par dga'o/ /rgyal po'i thog mar 'gro ba ni rgyal mtshan me'i thog mar 'gro ba ni dud pa/ chung ma'i thog mar 'gro ba ni khyim thab yin pas bdag ni rgyal bu la yid brtan te skyabs su mchi'o/ /rgyal bu ni
63b3 bdag gi lha lags te/ rgyal bus phyogs bzhi nas 'dus pa la sbyin pa byin pa'i tshe/ bdag gis kyang rgyal bu'i grogs bgyis pas da rgyal bu lam ring du 'gro ba las/ gal te pha rol po slong ba 'ongs na bdag gis de bzhin du
63b4 grogs bgyi/ rgyal bus sbyin pa mdzad na bdag gi srog la bab kyang phyir mi nur bas the tsom mi mdzad du gsol/ rgyal bus smras pa/ bdag ni sbyin pa la dga' bas pha rol kyi sems mi zlogs te/ pha rol pos bdag la gal
63b5 te bu 'am khyod nyid slong ba 'ongs na yang bdag gis mi gtong mi nus so/ /ci ste bdag gis bsams pa khyod kyis de bzhin ma byas na ni bdag gi dge ba'i sems 'khrugs par gyur pas 'gro bar mi rigs so/ /man tes smras
63b6 pa/ rgyal bus sbyin pa mdzad pa ni 'jig rten na gang yang 'di 'dra ba med pas yid bzhin du sbyin pa mdzad du gsol/ rgyal bus smras pa/ khyod de ltar nus na shin tu legs so zhes rgyal bu dang btsun mo dang sras gnyis dang bcas
63b7 pa 'grogs te/ yum gang na ba der song nas da bdag cag mchi'o zhes mchi phyag byas nas yum la 'di skad ces gsol to/ /yum gyis skabs skabs su rgyal po chen po la/ ci nas dkar po'i chos kyis yul gyi srid bde
63b8 zhing 'bangs mang po gtams las mi gcad par gros gdab par gsol lo/ /yum gyis rgyal bu 'gro'o zhes mchi phyag byas pa mthong nas lhag par mya ngan gyis gdungs te drung na 'dug pa la 'di skad ces smras so/ /kho mo'i lus
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo