| e-texts navigator |
| བོད་ཡིག |
62a1 smras pa thos ma thag tu cher dngangs nas gdan khri las lhung ste/ mi dran par brgyal bar gyur pa las chus gtor nas ring zhig lon pa dang phyir sangs par gyur/ btsun mo nyi khri rnyed kyang thams cad mya ngan
62a2 gyis non par gyur te/ /de nas rgyal po dang blon po rnams 'dus nas/ da rgyal bu 'di la ji ltar bya zhes bgros pa dang / de'i nang na blon po gcig gis ni bal glang gi lhas su song ba ni rkang pa gcig par rigs/
62a3 bal glang bzung ba ni lag pa gcag par rigs/ mig gis bal glang la bltas na yang mig dbyung bar rigs ces gsol/ kha cig gis ni mgo bcad par rigs so zhes blon po rnams so so nas bgros
62a4 te gsol ba'i tshig rgyal pos thos nas rab tu mi dga' zhing mya ngan gyis non te/ blon po rnams la 'di skad ces bsgo'o/ /nga'i bu 'di legs pa'i don la mos te/ sbyin pa la dga' ba yin na/ ji ltar mtho
62a5 brtsam zhing gzung bar bya/ de'i nang na blon po gcig gis blon po snga ma rnams kyis bgros pa mi rung ngo zhes dpyas nas 'di skad ces gsol to/ /rgyal po la sras gcig pu zhig mnga' ba la rab tu sdug cing
62a6 gces pas rgyal bu rgyal tshab lags na/ de la mtho brtsam zhing bzung gtags bya ba'i sems bskyed par mi rigs te/ bdag ni rgyal po chen po'i sras la bzung gtags bya bar mi gsol gyi/ rgyal bu 'di
62a7 yul 'di nas spyugs te/ lo bcu gnyis kyi bar du dgon par spangs na sma bab cing ngo mtsha bar 'gyur ro zhes gsol pa dang / rgyal pos kyang blon po chen po de'i tshig mnyan to/ /de nas rgyal pos rgyal bu rgyal tshab
62a8 bkug ste 'di skad ces smras so/ /khyod kyis nga'i bal gyi glang po che dgra zla la byin pa bden nam zhes dris pa dang / rgyal bus gsol pa/ bdag gis stsal ba mad do zhes gsol to/ /rgyal pos smras pa/ rgyal bu
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo