| e-texts navigator |
| བོད་ཡིག |
61b1 nas bzung ste bram ze brgyad po la byin pa dang / bram ze brgyad pos rgyal bu la smon lam btab bo/ /smon lam btab ma thag tu bal gyi glang po che la sprugs te dga' bzhin dong ngo / /de nas rgyal bus bram
61b2 ze de dag la yang 'di skad ces bsgo'o/ /khyed myur du mgyogs par song shig /gal te yab rgyal pos gsan na snyags ma gtong ste 'phrog tu 'ong ngo zhes bsgo ba dang / de'i tshe bram ze de dag gis de ma thag tu mgyogs
61b3 su dong ngo / /blon po rnams kyis rgyal bus bal gyi glang po che dgra zla la byin no zhes thos nas/ thams cad skrag ste khri las rbad du lhung nas mya ngan gyis non te/ 'di snyam du yul 'di na bal glang 'di
61b4 la ltos na/ da dgra zla gzhan la byin par gyur to snyam du bsams nas rgyal po ga la ba der song ste 'di skad ces gsol to/ /rgyal bus ni phyi'i dgra thub pa'i bal glang rin po che pha rol gyi dgra zla la byin
61b5 no zhes gsol pa dang / rgyal po yab yed yed por gyur pa las/ blon pos yang 'di skad ces gsol to/ /da rgyal po la bal gyi glang po che 'di mnga' bas chab srid che ba lags te/ bal gyi glang po che
61b6 de ni bal glang drug bcu snyed kyi mthu stobs dang ldan pa lags na rgyal bus dgra zla la stsal te/ dgra zlas 'tshal bas chab srid kyang stor du mchi na ji ltar mdzad pa rigs/ 'di lta bu rang nyams su
61b7 sbyin pa byin pas bang mdzod kyang stongs shing yul gyi srid dang btsun mo dang sras kyi bar du sbyin pa bgyid par dgongs so zhes gsol pa dang / rgyal pos de skad ces smras pa thos nas/ lhag par mi dga'
61b8 bar gyur te/ blon po gzhan zhig bos nas/ blon po de la rgyal bus bal gyi glang po che dgra zla la byin pa bden nam zhes dris pa dang / blon po des kyang byin pa bden no zhes gsol to/ /rgyal pos de skad
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo