| e-texts navigator |
| བོད་ཡིག |
60b1 gyur pas na/ khyed las su zhig der song ste slong bar nus ces bgros na/ blon po las gang yang 'gro nus pa ma byung ngo / /de'i nang na bram ze mi brgyad zhig gis rgyal po la 'di skad ces gsol to/ /bdag cag
60b2 gis slong zhing mchi bar 'tshal na bdag cag gi tshogs dang rgyags sbyor cig ces gsol pa dang / rgyal pos de'i tshogs dang rgyags sbyar nas bram ze de dag la 'di skad ces bsgo'o/ /gal te khyod kyis bal glang
60b3 de khugs te 'ongs na bya dga' cher sbyin no zhes gtsigs byas so/ /de nas bram ze brgyad po mkhar ba thogs te la lung bgrod nas yul ya ba gang na ba der song ngo / /yul der phyin nas/ rgyal po'i sgor mkhar
60b4 ba la rkom tshugs bcas te rkang pa ya cig gis 'greng zhing sdod do/ /de nas rgyal bu'i sgo srungs pho brang nang du song nas phyi rol na bram ze dag cig lhags te/ mkhar ba la rkom tshugs bcas nas rkang pa ya cig
60b5 gis 'greng zhing sdod de/ bdag cag ni lam ring po nas ched du 'dir slong du 'ongs so zhes mchi'o/ /rgyal bus de skad ces smras pa thos nas rab tu dga' ste/ mod la phyi rol du byung nas bsus te phyag byas
60b6 so/ /dper na pha dang bu phrad pa tsam du gcig la gcig gis spro ba'i tshig gis khyed gang phyogs nas 'ongs lam du nyon ma mongs sam/ ci 'dod ci slong na rkang pa ya cig 'greng zhes dris so/ /bram ze brgyad
60b7 pos smras pa/ bdag cag ni rgyal bu khyod sbyin pa sbyin pa la rab tu dga' bas pha rol po ci slong yang yid dang 'gal bar mi mdzad do zhes rgyal bu'i yon tan phyogs mtshams brgyad dang / yar ni steng gi gnam la
60b8 thug mar ni sa'i mthil la thug pa man cad du grags pas na/ khyod kyi sbyin pa'i yon tan ni bsam gyis mi khyab ste/ nye ring thams cad kyis bstod cing bsgrags pas gang yang ma thos pa 'am mi shes pa med de
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo