| e-texts navigator |
| བོད་ཡིག |
59b1 rgyal bu de chung nas sbyin pa la dga' nas mi la sogs te/ ri dgas dang 'dab chags bya'i bar du sems can thams cad bde skyid par dga' ste/ tshig tu yang gang mi shes pa gti mug can ni sbyin pa la mi dga' bas
59b2 bdag gis bdag bslus te phan pa'i don med kyi/ mkhas pa shes rab can ni 'jig rten na gnas kyang sbyin pa la yon tan cher mthong ste/ sbyin pa byin pas snga ma 'das pa dang ma byon pa dang da ltar bzhugs pa'i sangs rgyas
59b3 dang rang sangs rgyas dang 'phags pa dgra bcom pa thams cad kyis bstod cing bsngags par 'gyur ro zhes smras so/ /rgyal bu bags kyis cher skyes nas/ rgyal po zhig gi bu mo man te zhes bya ba mnga' byad bzang la
59b4 sdug pa dpe zla med pa gser dang dngul dang bai dUr+ya dang rin po che sna tshogs kyi rgyan kyis brgyan pa gcig btsun mor blangs nas bu ming sring gnyis shig yod par gyur to/ /de nas rgyal bu de sbyin pa'i pha rol tu phyin pa'i
59b5 don sems pa la zhugs nas/ yab rgyal po la bdag ni rtse zhing ltad mo ltar mchi'o zhes gsol pa dang rgyal pos kyang de bzhin du gnang ngo / /de nas rgyal bu pho brang nas byung ba dang / brgya byin lha'i dbang
59b6 pos grong khyer gyi sgo lam srang dag na dbul phongs pa long ba 'on pa lkugs pa'i slongs mo pa dag cig sprul nas sdod du bcug go/ /rgyal bus de dag mthong ba dang de ma thag tu phyir log nas pho brang du zhugs te/
59b7 mya ngan chen pos non nas mi dga' zhing 'dug pa la/ yab rgyal pos sras rgyal bu la 'di skad ces bsgo'o/ /rtse zhing ltad mo ltar btang na ci'i phyir mi dga' zhing mya ngan byed par gyur ces dris pa dang /
59b8 rgyal bus yab rgyal po la 'di skad ces gsol to/ /bdag rtse zhing ltad mo ltar mchis pa las/ slongs mo pa long ba 'on pa lkugs pa mang po dang mjal bas mya ngan gyis non par gyur te/ nga yab rgyal
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo