| e-texts navigator |
| བོད་ཡིག |
59a1 bcom ldan 'das kyis kun dga' bo la bka' stsal pa/ sangs rgyas 'das pa 'am ma 'ongs pa 'am da ltar bzhugs pa la dgongs pa ma yin gyi/ mngon par dran pa nga sngon bskal pa grangs
59a2 med par 'das pa'i pha rol na sbyin pa sbyin pa'i dngos po la dgongs te/ de'i tshe de'i dus na yul ya ba zhes bya bar rgyal po dge ba zhes bya ba drang po'i chos kyis yul gyi srid 'dzin te/ 'gro ba mang po la skyong ba zhig
59a3 byung ngo / /rgyal po de la blon po ni bzhi stong zhig yod de/ rgyal phran drug bcu la dbang bskur ro/ /grong khyer chen po brgyad brgya dang bal gyi glang po che lnga brgya yod de/ rgyal po la btsun mo nyi khri yod
59a4 kyang sras mi mnga' bas ri dang klung gi lha gnyan po la mchod 'bras byas nas btsun mo dam pa la sras mnga' bar gyur te/ btsun mo'i mal ca dang zas dang skom la sogs pa yo byad bdam zhing bzang por sbyar
59a5 nas rgyal po nyid kyis rim gro byas te/ zla ba bcur tshang nas rgyal bu gcig btsas so/ /pho brang gi btsun mo nyi khri snyed kyang rgyal bu zhig btsas shes thos nas thams cad dga' mgu rangs te/ nu zho yang
59a6 rang byung bas rgyal bu mtshan yang don grub ces btags so/ /rgyal bu la nu zho snun cing rim gro byed pa bzhi zhig bskos te/ gcig ni nu zho snun pa'i las byed/ gcig ni rgyal bu pang du khyer bar bskos
59a7 gcig ni rgyal bu bkru ba'i las byed par bskos/ gcig ni rgyal bu rtser 'gro ba'i las su bskos so/ /de ltar bskos nas rgyal bu lo bcu drug lon pa dang yig rtsis dang 'phong rtsal dang bzo dpyad
59a8 dang rol mo la sogs pa gang yang mi shes pa med de thams cad kyang lobs/ rgyal po yab dang yum la yang lha btsun 'dra bar rim gro byed do/ /rgyal pos kyang rgyal bu'i pho brang logs shig tu brtsigs so/ /
iiif viewer powered by OpenSeadragon
Texts on this page
J290 - 'phags pa rgyal bu don grub kyi mdo