| e-texts navigator |
| བོད་ཡིག |
58b1 ltar ngas shes pa de bzhin du/ 'di ltar sems can dag gi sbyin pa la 'ged pa'i rnam par smin pa mi shes te/ de lta bas na sems can gang kham phyi ma phyi ma'i kham gcig po de yang gzhan dag la ma byin ma bgos par bdag nyid
58b2 kyis bza' bar mi bya'o/ /ser sna'i sems kyi dri ma skyes pas kun nas dkris te 'dug par mi bya'o/ /sngon gyi dge dang mi dge byas pa chud mi za/ /mkhas pa dag la brten pa chud ni mi za ste/ /'phags pa'i skye bos legs
58b3 par bshad pa chud mi za/ /byas pa gzo la byas pa rnams kyang chud mi za/ /bcom ldan 'das kyis de skad ces bka' stsal pa dang / byang chub sems dpa' de dag dang dge slong de dag dang lha dang mi dang lha ma yin dang dri zar bcas pa'i 'jig
58b4 rten yi rangs te/ bcom ldan 'das kyis gsungs pa la mngon par bstod do/ /gser mdog gi sngon gyi sbyor ba zhes bya ba rdzogs so// // lan cig zhus te dag go/ /skar mas zhus te dag go / @#/ /rgya gar skad du/
58b5 Ar+ya ji na pu tra aR+tha sid d+hi sU tra/ bod skad du/ 'phags pa rgyal bu don grub kyi mdo/ bam po dang po/ 'di skad bdag gis thos pa dus gcig na/ bcom ldan 'das mnyan du yod pa na 'dze ta'i tshal mgon med zas sbyin gyi kun
58b6 dga' ra ba na/ dge slong dang dge slong ma dang dge bsnyen pha dang dge bsnyen ma grangs med pa dang thabs gcig tu bzhugs so/ /de'i tshe bcom ldan 'das 'dzum pa mdzad nas/ zhal gyi sgo nas 'od zer kha dog sna lnga dang ldan pa
58b7 bkye ba dang / tshe dang ldan pa kun dga' bo stan las langs te gos tshags bcos nas thal mo sbyar te bcom ldan 'das la 'di skad ces gsol to/ /bdag gis sangs rgyas kyi zhabs 'bring lo nyi shu bgyis kyi bar
58b8 du de 'dra bar bzhad pa ma mthong na/ bcom ldan 'das kyis sangs rgyas sngon 'das pa 'am ma byon pa 'am da ltar bzhugs pa'i sangs rgyas la dgongs sam de ma lags pa ci la dgongs pa don bstan du gsol/
iiif viewer powered by OpenSeadragon
Texts on this page
J289 - gser mdog gi sngon gyi sbyor ba zhes bya ba
J290 - 'phags pa rgyal bu don grub kyi mdo