rKTs

e-texts navigator

Volume

Page

57b₁ de dag gis smras pa/ gang gi tshe lha'i dpal dang sku skal dang ldan par gyur pa de'i tshe/ bdag cag lha'i zhabs 'bring na rtse zhing dga' la longs spyod pa lags na/ 'di lta ste bdag cag lha'i dus phyi ma dang dus tshod phyi ma yongs su gtang
57b₂ ba ga la zhig bzod/ de nas rgyal po gser mdog rab tu ngus te mchi ma phyung ngo / /mchi ma de legs par phyis nas rtsis pa dang sna chen po la gtogs pa dang blon po dang sgo ba dang 'khor rnams la 'di skad ces smras so/ /grong gi gtso bo
57b₃ dag rang rang gi gnas ji lta ba bzhin dengs shig / thams cad kyis khang bzangs 'dir bkres pa dang skom pa dag gis 'chi ba'i dus ma byed cig /de nas rtsis pa dang sna chen po la gtogs pa dang blon po dang / sgo ba dang 'khor rnams
57b₄ rab tu ngus te mchi ma phyung ngo / /mchi ma legs par phyis nas/ rgyal po gser mdog ga la ba der song ste phyin nas rgyal po gser mdog gi rkang pa gnyis la phyag 'tshal te/ thal mo sbyar nas/ rgyal po gser mdog la
57b₅ 'di skad ces smras so/ /bdag cag gis lha'i zhal lta ba'i phyi ma deng lags te/ bdag cag gis gang cung zad lha'i bka' la 'gal ba ci bgyis pa bzod par gsol lo/ /'di lta ste bcom ldan 'das rang sangs rgyas des
57b₆ bsod snyoms de yongs su zos so/ /de nas skad cig de nyid la phyogs bzhi kun nas sprin stug po bzhi langs so/ /rlung grang ba yang langs te/ de'i tshe 'dzam bu'i gling phyags so/ /de nas de'i dus kyi bye brag la bcal bar bya ba dang /
57b₇ bza' bar bya ba rnam pa sna tshogs kyi char bab ste/ bza' bar bya ba'i dngos po 'di lta bu 'bras chan dang phye dang zan dron dang sha dang nya sha dang bza' bar bya ba'i dngos po 'di lta bu/ bca' bar bya ba la phug dang bza' bar bya ba lo ma dang bza'
57b₈ b ar bya ba me tog dang bza' bar bya ba 'bras bu dang bza' bar bya ba til dang bza' bar bya ba til mar dang bza' bar bya ba bur mar dang bza' bar bya ba kha ra dang gzhan yang bza' bar bya ba dang bca' bar bya ba dang myang bar bya ba rnam pa mang

_{iiif viewer powered by OpenSeadragon}

57a - 58a

Texts on this page