| e-texts navigator |
| བོད་ཡིག |
56b1 sangs rgyas de/ rgyang ring po nas 'di ltar 'ong ba na/ sna chen po la gtogs pa gcig gis mthong ngo / /mthong nas sna chen po la gtogs pa dag bos nas/ grong gi gtso bo dag ltos shig /'di ltar rgyang ring po nas bya dmar po
56b2 'phur ba zhig 'ong ngo / /sna chen po la gtogs pa gnyis pas smras pa/ grong gi gtso bo dag 'di ni bya dmar po 'phur ba ma yin gyi/ 'di ni srin po mdangs 'phrog pa zhig 'ong ste/ 'dis ni deng bdag cag zos par 'gyur ro/ /
56b3 de nas rgyal po gser mdog lag pa gnyis kas bzhin legs par phyis te/ sna chen po rnams la smras pa/ grong gi gtso bo dag 'di ni bya dmar po 'phur ba ma yin la/ srin po mdangs 'phrog pa yang ma yin no/ /'di ni drang srong ste/
56b4 bdag cag la snying brtse ba'i phyir 'ong ngo / /de nas bcom ldan 'das rang sangs rgyas de/ rgyal po gser mdog gi khang bzangs kyi steng du babs so/ /de nas rgyal po gser mdog langs nas bcom ldan 'das rang sangs rgyas
56b5 de bsus nas/ bcom ldan 'das rang sangs rgyas de'i zhabs la mgo bos phyag 'tshal te/ stan bshams pa la bzhugs par gsol to/ /de nas rgyal po gser mdog gis/ bcom ldan 'das rang sangs rgyas de la 'di
56b6 skad ces smras so/ /drang srong ci'i phyir 'dir byon/ drang srong gis smras pa/ rgyal po chen po zas kyi phyir ro/ /de nas rgyal po gser mdog rab tu ngus te mchi ma phyung nas/ e ma'o bdag dbul te 'di ltar 'dzam bu'i gling gi dbang phyug dam
56b7 pa byas kyis kyang drang srong gcig la bsod snyoms dbul bar ma nus so/ /de nas rgyal po'i pho brang gser can na gnas pa'i lha des/ rgyal po gser mdog la tshigs su bcad de smras pa/ ci zhig sdug bsngal yin zhe na ni dbul ba
56b8 'o/ /shin du sdug bsngal gang yin dbul ba de nyid de/ /dbul ba dag ni nang na shi dang mtshungs par gyur pa ste/ /bdag ni shi yang sla'i dbul ba mi 'dod do/ /de nas rgyal po gser mdog gis mdzod pa bos nas/ 'di skad ces smras so/ /grong gi
iiif viewer powered by OpenSeadragon
Texts on this page
J289 - gser mdog gi sngon gyi sbyor ba zhes bya ba