| e-texts navigator |
| བོད་ཡིག |
55b1 pa dang bud med dang khye'u dang bu mo rnams shi bar gyur to/ /de'i tshe na 'dzam bu'i gling gi zas la sogs pa thams cad yongs su zad de/ /gzhan du na rgyal po gser mdog la zas kyi lhag ma bre'u chung gang zhig yod do/ /de'i tshe dus
55b2 gzhan zhig na/ bskal pa bzhi bcur spyad pa'i byang chub sems dpa' zhig /mi mjed kyi 'jig rten gyi khams 'dir phyin par gyur to/ /byang chub sems dpa' des gzhan zhig tu/ nags khrod zhig na/ bu dang ma
55b3 gnyis nyal po byed pa zhig mthong ngo / /mthong nas kyang 'di snyam du gyur te/ e ma'o nyon mongs so/ /sems can 'di dag ni nyon mongs so/ /gang gi tshe zla ba dgu rum de nyid tu gnas la/ de nyid kyi nu ma la
55b4 'thungs nas/ de nyid tu de ltar byed/ 'di 'dra ba'i sems can chos ma yin pa'i 'dod chags kyis zhen pa/ log par lta ba 'dod pa mi bzad pas zil gyis non pa/ phar mi 'dzin pa mar mi 'dzin pa dge sbyong du mi 'dzin pa
55b5 bram zer mi 'dzin pa rigs kyi rgan rabs la bkur sti mi byed pa rnams kyis bdag chog ste/ 'di 'dra ba'i sems can rnams kyi don/ byang chub kyi spyod pa spyad par su zhig spro/ bdag ni nges par bdag gcig pu'i don
55b6 bsgrub po snyam mo/ /de nas byang chub sems dpa' de gzhan du shing ljon pa'i drung ga na ba der song ste phyin nas/ shing ljon pa'i drung der skyil mo dkrung bcas nas lus bsrang ste/ dga' ba dang bde ba dang dran pa mngon du
55b7 bzhag nas 'dug go/ /de nas byang chub sems dpa' de nye bar len pa'i phung po lnga rnams la/ skye ba dang 'jig par rjes su lta zhing gnas te/ 'di ni gzugs te/ gzugs 'di ni skye ba'o/ /gzugs 'di ni
55b8 'jig pa'o/ /'di ni tshor ba/ 'di ni 'du shes/ 'di ni 'du byed/ 'di ni rnam par shes pa ste/ rnam par shes pa 'di ni skye ba'o/ /rnam par shes pa 'di ni 'jig pa'o zhes/ de nye bar len pa'i phung po lnga po 'di rnams la skye
iiif viewer powered by OpenSeadragon
Texts on this page
J289 - gser mdog gi sngon gyi sbyor ba zhes bya ba