rKTs

e-texts navigator

Volume

Page

54b₁ rgyal po gser mdog la 'di skad ces smras so/ /lha mkhyen par mdzod cig /dgung lo bcu gnyis kyi bar du char mi 'bab pa'i rgyu skar ngan pa de byung bar gyur to/ /de nas rgyal po gser mdog dngos po bsgrags pa de thos
54b₂ nas/ rab tu ngus te mchi ma phyung nas e ma'o nga'i 'dzam bu'i gling gi mi rnams/ e ma'o e ma'o/ /nga'i 'dzam bu'i gling gi mi rnams e ma'o e ma'o/ /nga'i 'dzam bu'i gling 'byor pa dang / rgyas pa dang bde
54b₃ ba dang / lo legs pa dang nyams dga' zhing skye bo dang mi mang pos gang ba rnams ring por mi thogs pa nyid tu stong zhing mi dang 'bral bar 'gyur ro/ /de nas rgyal po gser mdog yud tsam zhig mya ngan dang smre sngags 'don pa
54b₄ sangs nas/ 'di snyam du gyur te/ gang 'di phyug cing nor mang la longs spyod che ba de dag ni 'tsho bar nus kyi/ gang 'di dbul zhing nor nyung la bza' btung dang / longs spyod chung ba de dag ni/ ci ltar byed cig gu/ de
54b₅ 'di snyam du gyur te/ bdag gis nges par 'dzam bu'i gling gi zas la sogs pa thams cad bsdu bar bya'o/ /zas la sogs pa bsdus te/ grong dang grong khyer dang / grong rdal dang / rgyal po'i pho brang 'khor
54b₆ thams cad tu bang ba gcig brtsig par bya'o/ /bang ba gcig brtsigs te/ 'dzam bu'i gling gi mi thams cad bza' ba mnyam par bgo bar bya'o snyam mo/ /de nas rgyal po gser mdog gis/ rtsis pa dang sna chen
54b₇ po la gtogs pa dang blon po dang sgo ba dang 'khor rnams bos te/ 'di skad ces smras so/ /grong gi gtso bo dag khyed rnams deng la 'dzam bu'i gling gi zas la sogs pa thams cad sdus shig /zas la sogs pa bsdus
54b₈ te/ gcol la grongs shig /gcal te bgrangs nas/ grong dang grong khyer dang grong rdal dang rgyal po'i pho brang 'khor thams cad tu bang ba bzang po gcig brtsigs shig ces bsgo'o/ /de nas rtsis pa dang sna chen po

_{iiif viewer powered by OpenSeadragon}

54a - 55a

Texts on this page