| e-texts navigator |
| བོད་ཡིག |
54a1 bde ba dang lo legs pa dang nyams dga' zhing skye bo dang mi mang po rnams kyis gang ngo / /ri 'or ba drug khri yod de/ 'byor pa dang rgyas pa dang bde ba dang lo legs pa dang nyams dga' zhing skye bo dang mi mang po
54a2 rnams kyis gang ngo / /rgyal po gser mdog gi blon po khri brgyad stong yod do/ /bud med slas nyi khri yod par gyur to/ /de nas rgyal po gser mdog chos dang ldan pa'i chos kyi rgyal po'i chos kyis rgyal srid byed par
54a3 gyur to/ /rgyal po gser mdog thams cad sbyin par byed de/ des tha na rang gi lus kyi sha man chad yongs su mi gtong ba ci yang med do/ /de'i dus na mi rnams kyi tshe'i tshad lo brgyad khri bzhi stong thub par gyur to/ /de'i
54a4 tshe dus gzhan zhig na/ rgyal po gser mdog gcig pu dben par nang du yang dag 'jog la zhugs nas/ sems kyis sems kyi yongs su rtog pa 'di snyam du skyes te/ gang bdag gis nges par tshong pa thams cad
54a5 la ni/ la gcan dang sho gam rnams mi dbab par bya'o/ /'dzam bu'i gling gi mi thams cad la ni dpya dang sgyu rnams mi dbab par bya'o snyam mo/ /de nas rgyal po gser mdog gis/ rtsis pa dang sna chen po
54a6 la gtogs pa dang blon po dang sgo ba dang 'khor rnams bos te/ 'di skad ces smras so/ /deng phyin cad grong mi dang tshong pa thams cad la la gcan dang sho gam rnams mi dbab par bya'o/ /'dzam bu'i gling gi mi
54a7 thams cad la dpya dang sgyu rnams mi dbab par bya'o zhes bsgo'o/ /de'i thabs 'dis lo mang po zhig tu rgyal srid byed pa na/ dus gzhan zhig gi tshe lo bcu gnyis kyi bar du char mi 'bab pa'i rgyu skar ngan pa zhig byung bar gyur to/ /
54a8 de'i tshe bram ze mtshan nyid 'don pa dang ltas pa dang mo ba rnams sa dang bar snang gi rgyu skar dang gza' dang pa ba sangs rgyu ba dag thams cad kyi mtshan nyid shes par byas nas/ rgyal po gser mdog ga la ba der song ste phyin nas
iiif viewer powered by OpenSeadragon
Texts on this page
J289 - gser mdog gi sngon gyi sbyor ba zhes bya ba