rKTs

e-texts navigator

Volume

Page

222a₁ tha ma ni yi dags kyi rgyur 'gyur ro/ /srog gcod pas sems can ngan song gsum du ltung ngo / /ci ste mir skyes na yang 'bras bu rnam pa gnyis smin te/ dbul phongs pa dang / nor thun mong du spyad
222a₂ pa'i dbang med do/ /mi tshangs par spyod pas kyang sems can ngan song gsum du ltung ngo / /ci ste mir skyes na yang 'bras bu rnam pa gnyis smin te/ bdag gi chung ma la 'phyo ba dang / chen chun gnyis rtsod pa dang /
222a₃ bdag gi bsam pa bzhin mi 'grub bo/ /brdzun du smra ba yang sems can ngan song gsum du ltung bar 'gyur ro/ /ci ste mir skyes na yang 'bras bu rnam pa gnyis smin te/ gzhan gyis skur pa 'debs pa dang / ma 'ongs
222a₄ pa kun gyis slu bar 'gyur ro/ /phra ma byed pa yang sems can ngan song gsum du ltung bar byed do/ /ci ste mir skyes na yang gnyen zhig pa dang / gnyen ngan pa dang / phrag dog can du 'gyur ro/ /ngag mi snyan par smra
222a₅ na yang sems can ngan song gsum du ltung ngo / /ci ste mir skyes na yang 'bras bu rnam pa gnyis smin te/ rtag tu sgra mi snyan pa mang po thos pa dang / smras so cog skyon can rtsod par 'gyur ro/ /tshig khyal pa
222a₆ byed pa yang ngan song gsum du ltung bar 'gyur te/ ci ste mir skyes na yang 'bras bu rnam pa gnyis smin te/ bden pa'i tshig smras pa yang kun gyis yid mi ches pa dang / smras pa thams cad mi gsal bar 'ong ngo / /
222a₇ 'dod chags kyi kha na ma tho ba yang sems can ngan song gsum du ltung bar byed do/ /ci ste mir skyes na yang 'bras bu rnam pa gnyis smin te/ nor la chags shing chog mi shes pa'i rang bzhin dang / mang du tshol
222a₈ yang bsams pa bzhin mi 'grub po/ /zhe sdang gi kha na ma tho ba yang sems can ngan song gsum du ltung bar byed do/ /ci ste mir skyes na yang 'bras bu rnam pa gnyis smin te/ gzhan gyis rtag tu glags tshol

_{iiif viewer powered by OpenSeadragon}

221b - 222b

Texts on this page