| e-texts navigator |
| བོད་ཡིག |
219a1 ba la sems rnam pa gnyis yod de/ dge ba'i sems dang / mi dge ba'i sems so/ /de la ji ltar na dge ba'i sems zhes bya zhe na/ lha khang du phyin pa'i tshe sangs rgyas mthong na phyag 'tshal zhing / dge
219a2 'dun la bkur sti byed cing / mdo sde 'dri 'am/ 'don nam/ khrims nod dam/ sdig pa bshags pa 'am/ dkon mchog gsum gyi spyi nor la sogs pa gtong ngam/ srog la yang mi chags par dam pa'i chos 'dzin pa ni
219a3 gom pa gcig bor bas kyang lhar skye bar 'gyur ro/ /ma 'ongs pa'i dus na khyim bdag tu zhugs te/ de dang 'dra ba'i longs spyod dang ldan par 'gyur ro/ /de ni dge ba'i mchog dang ldan pa yin no/ /de la gang mi dge ba ni lha khang
219a4 du 'jug pa'i tshe dge 'dun la slongs mo dang bskyi brnya byed pa dang / dge 'dun la skyon tshol zhing klan ka tshol ba dang / dge 'dun gyi zhal zas zos kyang tshim pa med cing / bza' shing dang / shing tog dang / ldum skyur la sogs pa
219a5 khyim du khyer ba de lta bu ni shin du dmyal ba'i 'khor lo dang / shin du 'bar ba dang / ral gri'i ri dang / ral gri'i shing la sogs pa'i dmyal bar shin du sdug bsngal len par 'gyur ro/ /de ni mi dge ba'i mchog ces bya'o/ /
219a6 bcom ldan 'das kyis bka' stsal pa/ dga' bo khyod ma 'ongs pa'i tshe nga'i nye gnas rnams la dkon mchog gsum gyi dkor la ma spyod par 'dug cig ces gros thob shig /de ltar ma gyur te/ bcom ldan 'das kyis
219a7 gsungs pa ltar byas na sangs rgyas byams pa 'jig rten du 'byung ba'i tshe gdon mi za bar grol lo/ /bcom ldan 'das kyis bka' stsal pa/ tshe 'di la gzhan gyi nor 'phrog na/ tshe phyi ma la shin tu grang ba'i dmyal bar ltung
219a8 ngo / /dar gyi srin bur 'gyur te/ btso zhing bzhu bar 'gyur ro/ /tshe 'di la sangs rgyas kyi sku gzugs dang mdo sde la mar me yis snang ba med par byed cing mi dge ba ni kho ra khor yug gi mun nag gi sems can dmyal bar
iiif viewer powered by OpenSeadragon
Texts on this page
J294 - dge ba dang mi dge ba'i las kyi rnam par smin pa bstan pa'i mdo