rKTs

e-texts navigator

Volume

Page

218b₁ pa chu'i nang na gnas pa'i sems can du skye'o/ /tshe snga ma la dge 'dun smre bar byas pas ni gtsang sbra'i srin bur skye'o/ /dge 'dun gyi shing tog brkus pas ni mchis pa za ba'i srin bur skye'o/ /dge 'dun gyi nor
218b₂ brkus pas ni rang 'thag skor ba'i bong bu dang glang du skye'o/ /dge 'dun gyi nor nan gyis bskyi brnya byas pas ni bya phug ron du skye'o/ /dge 'dun la spyo ba byas pas ni glang gi gnya' ba'i srin bur skye'o/ /dge 'dun gyi ldum
218b₃ skyur zos pas ni ldum bur rtsa ba gang gi srin bur skye'o/ /dge 'dun gyi khri stan la 'dug pas ni srin bu mgo dmar du skye'o/ /dge 'dun gyi nor sna tshogs la spyad pas ni srin bu 'phye bor skye'o/ /mgo la rus pa'i thur ma
218b₄ gtur nas lha khang du 'gro na bya mchu rings su skye'o/ /dkar rtsi dang dmar rtsis byugs te lha khang du 'gro na bya skyung kar skye'o/ /dar tshon gyi gos gyon te lha khang du 'gro na bye'u se rur skye'o/ /khyo shug zhag lon te lha
218b₅ khang du nyal na srin bu mgo sngon du skye'o/ /de bzhin gshegs pa'i mchod rten la mjug stegs 'cha' zhing 'dug pa ni rnga mor skye'o/ /lham dang 'bob gyon zhing gzhal med khang du 'gro na sbal par skye'o/ /chos nyan
218b₆ pa'i tshe long gtam zer na bye'u lhan dkar du skye'o/ /dge slong khrims dag pa la mi gtsang bar bskyed pa ni lcags kyi sems can dmyal bar skye'o/ /ral gri 'khor lo khri phrag brgya snyed du char pa lus kyi steng du 'bebs
218b₇ shing de'i lus gtubs par 'gyur ro/ /de nas dga' bos bcom ldan 'das la 'di skad ces gsol to/ /bcom ldan 'das kyis ji ltar gsungs pa de ltar dge 'dun gyi nor la spyad pa sdig lci bar gsungs te/ gal
218b₈ te de ltar dge ba'i las la phyogs pa dang / sbyin bdag la sogs pa ji ltar gtsug lag khang gi nang du sti stang bgyid pa dang / phyag 'tshal bar bgyid pa lags/ bcom ldan 'das kyis bka' stsal pa/ lha khang du 'gro

_{iiif viewer powered by OpenSeadragon}

218a - 219a

Texts on this page