| e-texts navigator |
| བོད་ཡིག |
216a1 ba'i las kyi rnam par smin pa bstan pa'i mdo/ bam po gcig go/ /'di skad bdag gis thos pa dus gcig na/ bcom ldan 'das mnyan yod na 'dze ta'i tshal skyabs med zas
216a2 sbyin gyi kun dga' ra ba na/ byang chub sems dpa' tshad med pa dang / lha dang mi'i 'khor mang pos bskor nas chos ston cing bzhugs so/ /de nas dga' bos 'gro ba mang po'i don gyi phyir bcom ldan 'das la
216a3 'di skad ces gsol to/ /bcom ldan 'das da ltar 'jig rten gyi khams 'dir rigs 'thun pa'i nang 'dir skyes pa las/ bzang po yang mchis/ mi sdug pa yang mchis/ drag po yang mchis/ zhan
216a4 pa yang mchis/ dbul po yang mchis/ phyug po yang mchis/ nyon mongs pa yang mchis/ bde ba yang mchis/ btsan pa yang mchis/ ma rabs kyang mchis/ skad ni mi mtshungs/ tshig ni mi mthun/
216a5 la la ni lo brgya lon nas 'chi ba yang mchis/ la la ni sum bcu 'am/ bcu lon nas 'chi ba yang mchis/ la la ni byad bzhin bzang yang dbul la/ la la ni mi sdug pa la phyug pa yang mchis/ nyams rtsal
216a6 che ba ni ma rabs kyi nang na yang mchis/ nyams rtsal chung la gral mtho ba yang mchis/ la la ni nyon mongs la tshe ring ba yang mchis/ la la ni skyid cing tshe thung / la la ni legs par spyod pa la byur dang
216a7 phrad/ la la ni mi dge ba spyod pa la legs pa'i don du 'gyur ba yang mchis/ dkar zhing sha bzang la mi g.yo ba yang mchis/ la la ni sngo zhing gnag la mdangs dang ldan pa yang mchis/ la la ni lus
216a8 chung zhing thung la snying rtsal dang ldan pa yang mchis/ la la ni che zhing ring yang gzhan gyi bran g.yog bgyid pa yang mchis/ la la ni bu tsha mang ba yang mchis/ la la ni rmang ba yang mchis/ la la ni rtag par
iiif viewer powered by OpenSeadragon
Texts on this page
J294 - dge ba dang mi dge ba'i las kyi rnam par smin pa bstan pa'i mdo