rKTs

e-texts navigator

Volume

Page

213b₁ gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ bden pa zhig smras na yang gzhan dag yid ches par mi 'gyur ba dang / tshig smras pa rnams gzhan gyis go bar
213b₂ mi 'gyur ba gang yin pa'o/ /brnab sems bskyed pa'i kha na ma tho ba gang yin pa de ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal
213b₃ te mir skyes na yang rnam par smin pa'i 'bras bu rnam pa gnyis 'thob par 'gyur te/ nor la brkam zhing chog shes pa med pa dang / mang du tshol zhing rtag par yid bzhin du mngon par grub par mi 'gyur ba gang
213b₄ yin pa'o/ /gnod sems kyi kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur
213b₅ na yang rnam par smin pa'i 'bras bu rnam pa gnyis myong bar 'gyur te/ rtag par gzhan gyis glags tshol bar 'gyur ba dang / rtag par gzhan gyis gnod pa byed par 'gyur ba gang yin pa'o/ /log par lta ba
213b₆ 'i kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i
213b₇ 'bras bu rnam pa gnyis 'thob par 'gyur te/ rtag par log par lta ba'i khyim dag tu skye bar 'gyur ba dang / sems g.yo sgyu dang bcas par 'gyur ba gang yin pa'o/ /kye sangs rgyas kyi sras rnams de ltar ni
213b₈ sdig pa mi dge ba'i las kyi lam bcu po rnams ni sdug bsngal mang po sna tshogs kyi phung po chen po'i rgyu dang rkyen du gyur pa yin no/ /de nas de'i tshe 'khor 'dus pa chen po de nyid du sdig pa mi dge ba'i las bcu po dag

_{iiif viewer powered by OpenSeadragon}

213a - 214a

Texts on this page